Organisacionnan Caribense ta uni forsa pa famianan vulnerabel

ORANJESTAD – Diescuatro organisacion Caribense lo traha hunto den e proximo añanan pa sostene famianan den circunstancianan vulnerabel y aumenta nan oportunidadnan den futuro. E programa di ‘Fortalece Famianan Hunto’, cu a cuminsa oficialmente na Aruba fin di siman pasa, ta wordo financia door di Fondo Oranje, Seyo di Mucha y Ministerio di Interior y Relacionnan den Reino.

E programa ta enfoca riba promove igualdad di oportunidad pa mucha y hobennan, sostene mayornan i dunadonan di cuido, i atende cu asuntunan di pobresa. E organisacionnan participante, reparti rond di Aruba, Curaçao, Sint Maarten y Saba, ta comprometi cu hopi tempo caba cu e bienestar di famianan riba e islanan y awor ta haya sosten adicional pa aumenta nan impacto. Cortesia Curacao.nu