Israel ta adverti compatriotanan den exterior, tension rond di e partido na Paris

AMSTERDAM - Den cuadro di e violencia contra Israeli na Amsterdam, Israel a emiti un advertencia llamativo ayera nochi. E israelitanan ta wordo conseha pa no asisti na eventonan deportivo of xultural den exterior den e proximo simannan. Israel ta bisa cu e tin indicacion cu esakinan por wordo usa pa ataca compatriotanan.

Den un comunicado, Conseho di Seguridad di Israel ta menciona reunionnan den ciudadnan Britanico, Bruselas, Amsterdam y Paris. E wowonan awor ta principalmente riba e capital Frances, unda e seleccion di futbol Israeli lo hunga contra Francia diahuebs.

Ministro Frances di Interior Bruno Retailleau a bisa cu e competencia lo sigui. “Nos no mester wordo distraí,” el a bisa, agregando cu un rango di medidanan di seguridad lo ta na su luga.