• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

‹›

• 
• 
• 
• 
• 
• 
• 
• 
• 
• 
• 
• 
• 
• 

Encuesta politico # 3 di Noticiacla: MEP y RAIZ ta keda leu di otro

ORANJESTAD – Faltando exactamente un luna awe pa eleccion parlamentario 2024 tuma lugar na Aruba, Noticiacla ta publica e resultado di e encuesta mas recien politico riba e tema aki, esta e di 3 (di 4) encuesta. Cu un luna faltando pa pueblo vota oficialmente, den e encuesta number 3 partido MEP ta bolbe sali como e ganador, osea e partido mas grandi, mientras cu esun cu a goberna 3 aña como su partner di coalicion esta RAIZ, ta keda te na di 9 lugar (di e 11 partidonan politico participando na eleccion). E partido cu mas a sobresali den e encuesta aki ta Lucha pa Reforma (LPR) di Ryçon Santos do Nacimento, cu ta empata cu partido AVP na di 3 lugar.  

SITUACION NA ARUBA

E prome seccion tabata pa sa con esnan cu a participa ta considera e situacion general na Aruba awor, compara cu 3 aña pasa (ultimo eleccion:red) na 2021 pa loke ta e gobernacion. Aki 40% contesta cu nan ta considera cu e situacion actual ta mucho mas miho cu 3 aña pasa, sigui pa e grupo cu ta considera e situacion un poco mas miho (21%), poco mas malo ta 15% y 9%    di esnan cu a contesta e parti aki, ta sinti cu e situacion na Aruba no a cambia nada.

VOTADORNAN INDECISO

Loke tambe a hala atencion den e encuesta aki, ta cu faltando exactamente un luna ainda, tin 10% di esnan cu a participa, cu ainda no sa pa ken y/of cua partido nan ta bay vota. Esaki ta un caida di 3% for di 13% biaha pasa. Pues aworaki e cantidad, aunke relativamente halto, a bira menos. Esey kizas kier men cu un partido of politico a logra convence nan pa vota pa nan. Esnan cu si sa caba pa ken nan ta bay vota ta mas grandi na 89%, mientras cu 1% a sigura cu nan no ta bay vota. Pues entre e partidonan, tin cu bay traha ainda un poco mas duro pa logra haya e 10% aki tambe pa dicidi y convence nan pa vota den e proximo eleccion, segun e encuesta entre e lesadornan di Noticiacla.  

PARTIDONAN MAS POPULAR

E session mas popular sigur atrobe, tabata esun di partidonan politico. Partido MEP cu 56% (vs 55% den e encuesta anterior, a keda e partido mas popular, sigui pa FUTURO aunke e ta na un distancia di 44% na 11% (vs 14% anteriormente pues un caida di 3%), cu ta hacie e di dos partido mas popular. Si den e prome encuesta e sorpresa tabata partido FUTURO cu a sali na di dos lugar, e biaha aki e partido cu a hala atencion tabata Lucha pa Reforma (LPR) cu a keda empata cu AVP na di 3 lugar cu 7% di e votonan. AVP ta cai for di 8% y 9% respectivamente biaha pasa, mientras cu di otro banda LPR a subi 2% for di su 5% den e ultimo encuesta. Despues di AVP y LPR, e partido cu ta comparti e siguiente puesto ta PPA hunto cu e grupo cu ‘no kier ningun di e partidonan’, cu 3%. Pa PPA, e ta un aumento for di 2.2% biaha pasa y ta dos posicion riba e otro partidonan compara cu biaha pasa. Ta sigui partidonan ACCION21, CURPA y MAS cu tur tres tin 2% di e votonan.  MAS tambe ta sufri un caida for di 3 % y ta haya 2%. CURPA ta mantene su 2% di biaha pasa. Ta sigui RAIZ, RED y HTC cu tur tres tin 1%. 

PAKICO TA VOTA PA UN PARTIDO POLITICO

Loke a resalta tambe den e encuesta ta cu segun e encuesta aki, votadornan no ta vota mas segun custumber di famia y tradicion. Tabata trata e session unda cu ta duna e motibo pa cual esnan cu a participa, ta vota pa e partido. Aki a duna 5 opcion, di cual esun cu mas a haya sosten tabata e opcion ‘Nan tin un miho programa di partido (55%), sigui pa E otro partidonan tin mal idea con kier maneha nos pais (19%), ‘E partido ta boga pa hende manera mi’ (15%), ‘Mi kier sostene un candidato particular cu mi conoce’ (10%), y e ultimo ‘Mi famia y amistad cercano ta vota pa nan’ na 1%.

CONSTELACION DI E PROXIMO GOBERNACION

Loke no a cambia den e encuesta aki, tabata e escogencia pa e constelacion di un proximo gobierno. Un 53% di esnan cu a particpa den e parti aki, kier un gobierno di un solo partido, mientras cu e opcion pa tin un gobierno forma di un bloke entre e partidonan chikito, tabata na di tres lugar cu 18%. E opcion pa un situacion manera cu nos ta mas conoci cune, esta un partido grandi y uno chikito ta sigui ta e di dos mas solicita cu 25%. 

PAKICO KIER CIERTO CONSTELACION?

Ora cu a puntra pakico kier un gobierno di un solo partido, e motibo mas grandi tabata stabilidad politico 29%, sigui pa e opcionnan cu un gobierno di un solo partido ta logra mas hopi den cuater aña cu un coalicion y sigui pa e opcion ‘e ta evita caida di gobierno prematuro na 12%. E ultimo escogencia tabata e opcion ‘Partidonan grandi cu por logra un mayoria absoluto ta miho organiza y cualifica pa guia un pais’, na 8%. Ora cu a puntra e grupo cu kier un constelacion di coalicion, e motibo cu a sobresali tabata ‘E ta evita un poder absoluto (23%), sigui pa e opcionnan ‘e partidonan ta tene otro skerpi y den balansa  y ‘ Un gobierno di coalicion ta representa un base mas amplio di pueblo votado (12%). Y finalmente e opcion ultimo cu a haya sosten tabata ‘Un gobierno di coalicion ta percura pa un programa cu ta atende cu mas tema (4%). 

DISCLAIMER

Manera tur encuesta di Noticiacla, e resultado aki tambe ta anonimo, y no scientifico. Ademas Noticiacla ta conciente cu esaki ta un encuesta electronico pues solamente acesibel na esnan cu tin internet y cu primordialmente ta sigui Noticiacla.com.  E encuesta a core di diaranson 30 di October 2024 pa diadomingo3 di November 2024  den cual un total di 1469 persona a participa na e encuesta aki.