Banco Central Europeo ta sigui baha e tasanan di interes debí na preocupacion tocante economia

BRUSELAS - Banco Central Europeo (BCE) ta baha interes atrobe. Esaki ta sosode no solamente pasobra BCE ta kere cu inflacion den e zona euro ta biniendo bou di control, pero tambe pasobra tin preocupacion pa cu economia. Como cu salarionan awor ta subiendo ménos rapido, BCE ta tribi di baha interes pa di tres biaha for di juni.

E paso nobo ta trece e tasa di interes na 3.25 porciento. Ora BCE a cuminsa corta interes na juni, esaki tabata 4 porciento ainda, un record. Den un reunion den e capital di Slovenia Ljubljana, BCE a dicidi di baha e tasanan di interes cu otro 0.25 punto di porcentahe.

E tasa di interes record a wordo introduci aña pasa pa frena e aumentonan halto di prijs den e zona di euro. Interes halto a hacie mas difícil pa fia placa. Esaki mester a fria e economia, loke lo a trece prijsnan bek bou di control.