Ocho (8) partido (te awor) mester 586 firma pa por participa na eleccion 2024

ORANJESTAD – Te cu awor, un total di 8 partido politico mester colecta firma pa por confirma nan participacion na e proximo eleccion parlamentario di dia 6 di December 2024. E biaha aki e partidonan aki cada un mester colecta minimal 586 firma di votadornan. Conforme articulo 17 Ordenansa Electoral, un lista di candidato politico cu no tin asiento den Parlamento, mester wordo sosteni door di 586 firmanan di votadornan (1 porciento di votonan valido di eleccion anterior). E sosten aki ta sosode pa 7 dia consecutivo (excluyendo weekend) di 09:00 am te 8:30 pm despues di entrega di lista. Esaki ta cuminsa dianan 21 te 29 di oktober 2024, excluyendo fin di siman, entre 9or di mainta pa 8’or y mei di anochi. E lugarnan pa haci esaki ta 1. Dependance Censo @ L.G Smith Boulevard 66 2. Hulp Bestuurs Kantoor Noord y 3. Hulp Bestuur Kantoor Savaneta.

E partidonan cu ainda falta pa colecta firma te awor ta: 

HTC

CURPA

MIA 

PPA

RED

FUTURO

UPP

LPR