MUSIC HUBS: Un proyecto nobo pa duna apoyo na talento musical local

Posted on 10/15/2024 9:39 am AST | Updated on 10/15/2024 9:40 am AST

ORANJESTAD - CEDE ARUBA, den colaboracion cu e fondo Hulandes Fonds Podiumkunsten y partner local UNOCA ta orguyoso pa anuncia un proyecto nobo pa sostene produccion di musica y talentonan musical na Aruba. E fondonan ta bin for di e “MUSIC HUBS REGELING”, cu tabata existi na Hulanda caba y desde awor tambe ta wordo utiliza na Aruba y otro islanan den Reino Hulandes. E iniciativa aki tin como meta pa yuda talentonan musical pa desaroya nan carera y duna nan mas oportunidad pa sobresali tanto local como internacionalmente.

“E MUSIC HUBS REGELING” lo cuminsa como un proyecto piloto, caminda un grupo chikito di 8 producer local, cu un bon trayectoria, lo selecciona talento musical Arubano pa nan traha hunto. Cada producer lo guia su talento cu un presupuesto. E fondo por wordo usa pa branding, produccion di cantica, grabacion di videoclip, promocion y mas. E meta principal ta pa e talento por a desaroya por lo menos 4 produccion autentico musical, pa asina laga su marca den e industria musical.

Fuera di sosten financiero, e proyecto aki tambe ta provee guia y mentorship pa e producers. CEDE ARUBA y UNOCA lo colabora cu Arubiano Michael Lampe den esaki. Michael Lampe ta un persona cu hopi experiencia den e mundo di produccion y tambe publishing di musica. Durante e ultimo añanan, Michael tambe a haci hopi esfuerzo pa crea rednan international, manera e colaboracion cu Sony Music y Warner. Michael lo guia y mentor e producernan y lo duna sosten unda cu ta necesario pa haci e proyecto exitoso. E prome 8 producers lo wordo selecciona door CEDE ARUBA, UNOCA y Michael Lampe. E proyecto lo inicia e luna aki ainda. Na final di e proyecto lo tin un evento colectivo, na unda lo presenta tur resultado.

Como ultimo, CEDE ARUBA kier expresa su gratitud na ‘Fonds voor Podiumkunsten’ pa nan confiansa den nos organisacion. E proyecto aki ta importante, mirando cu Aruba tin hopi talento musical y cu e proyecto aki por duna e sosten necesario na nos talentonan, pa asina nan por beneficia mas di e posibilidadnan cu e mundo musical tin pa ofrese.

Pa mas informacion, por tuma contacto cu CEDE ARUBA na 582-7666.

Filomena College MAVO cu teachers appreciation week
SAN NICOLAS - E siman cu a pasa Filomena College MAVO na San Nicolas a tene e asina yama 'teachers appreciation week'. Bou guia di juffrouw Judesca Holsman, cada dia e mesa central den lerarenkamer tawata dorna cu producto diferente como aprecio y regalo pa cada maestro y miembro di personal. Di e forma aki directorado di FCM ta mustra e aprecio pa tur maestro y personal cu ta contribui n'e educacion di su alumnonan.
Mas Social
Lesa Mas
Kiwanis Palm Beach a celebra reunion anual y aproba directiva nobo
EAGLE BEACH – Kiwanis Club of Palm Beach Aruba a celebra su reunion anual diahuebs 7 di mei na La Cabana Beach Resort and Casino, unda cu e espiritu di hermandad dentro di e club a keda refleja un biaha mas.
Mas Social
Lesa Mas
Quota International of Aruba ta entrega donacion na fundacionnan local
ORANJESTAD - Quota International of Aruba a organiza su evento anual di donacion, entregando fondo na diferente fundacionnan local cu ta traha pa mehora bida di personanan den comunidad.
Mas Social
Lesa Mas
VIDEO: Marriott Ocean Club a presenta su Mandara Spa completamente renoba
(ADVERTORIAL)
Mas Social
Lesa Mas
Marine Barracks Savaneta ta habri su portanan pa publico dia 1 di mei
SAVANETA - Marine Barracks Savaneta lo habri su portanan pa publico un biaha mas dia 1 di mei 2026. For di 10:00 AM te 4:00 PM, tur hende ta bon bini pa haya un bista exclusivo paden di Marine Corps.
Mas Social
Lesa Mas
Scouting Aruba ta trese alegria na adulto mayornan cu Good Deeds Day
ORANJESTAD - Scouting Aruba, hunto cu Parlamento Hubenil, Poder di Hubentud y Fundacion Believe in Yourself, a celebra Good Deeds Day cu un actividad special pa adultonan mayornan den casnan di cuido.
Mas Social
Lesa Mas