Conforme e ley di integridad di minister, retiro di sr Glenbert Croes como minister por ta eminente

ORANJESTAD – Relaciona cu e desaroyo di diamars mainta unda cu Recherche Samenwerkings Team RST y landsrecherche a drenta cas di minister Glenbert Croes, detene (conforme informacion di Ministerio Publico), informa cu e ta un sospechoso   y hib’e Marinierzkazerne na Savaneta pa interogacion den e caso Portulaca, a surgi e pregunta cu si sr Croes por keda den funcion di minister. Contrario na e ley pa Parlamentario, e ley pa Minister (integridad) si ta stipula cu, unabez un minister keda considera como un sospechoso den un investigacion penal, e mester renuncia cu efecto inmediato. 

DIFERENTE PA PARLAMENTARIO 

Esaki no ta e caso pa parlamentario, cu a pone cu parlamentario pa partido AVP, Benny Sevinger si por a keda den funcion di parlamentario, aunke cu e la keda deteni y awor te hasta sentencia. Mientras cu su caso ainda ta andando den corte di casacion, e por keda den funcion di Parlamentario. 

E ARTICULO DEN LEY

Den e caso aki e articulo di e ley riba integridad di minister, esta articulo 17 inciso b, ta bisa textualmente cu ‘ E minister mester renuncia cu efecto inmediato si e minister b. ta wordo considera un sospechoso den un investigacion penal andandotocante un crimen’. Na Hulandes e articulo ta bisa textualmente, “Artikel 17. De minister dient met onmiddellijke ingang zijn ontslag in, indien de minister:

a. heeft nagelaten informatie aan de formateur te melden, waarvan hij weet of redelijkerwijze moest weten dat de informatie relevant is voor zijn benoe- ming tot minister, en dit nalaten bekend wordt na aanvaarding van het ambt

van minister;

b. als verdachte wordt aangemerkt in een lopend strafrechtelijk onderzoek ter zake van een misdrijf”. Den e caso aki inciso b ta esun cu ta aplicabel pa e minister. 

PENDIENTE E DESAROYO

Awor cu e anuncio di detencion y situacion di e minister oficialmente ta confirma pa Ministerio Publico,  ta keda e pregunta si lo aplica e ley menciona mesora, of cu ta opta pa haci algo diferente, dependiendo e resultado di e desaroyo di e dia. Partido MEP semper a boga pa integridad y awor un di su propio ministernan ta haye den un situacion asina,