Premio Nobel di Física pa fundadonan di Inteligencia Artificial (AI)

NEW YORK - E aña aki e Premio Nobel di Físika ta bai pa e mericano John Hopfield (Universidat di Princeton) y e canades Geoffrey Hinton (Universidat di Toronto) pa nan “descubrimentunan y invensionnan fundamental” cu ta permití computernan siña cu yudansa di neuronetwerknan artificial.

E rednan aki ta funciona como memoria asosiativo y ta haña patronchinan den archivonan di dato grandi, segun Ellen Moons di e Comite di Premio Nobel. Nan tin investigacion avansa di fisica y a haña aplicacionnan practico, por ehempel den reconocemento di cara, deteccion di malesa y mashinnan di traduccion.

RIESGONAN

Hopfield i Hinton ta wordo mira como e fundadonan di inteligencia artificial (AI). Comentando riba e premio, Hinton a bisa cu e ta preocupa pa e “consecuensianan malo potencial” di su investigacion den siñamento di mashin, “particularmente e peliger cu nos ta perde control riba nan.” Aña pasa el a bandona su trabou na Google pa e motibu ei. Toch e no ta lamenta e descubrimentonan y invensionnan cu el a haci.