Den algun ora Horcan Milton a bula 3 categoria di horcan moviendo pa Florida

MIAMI – E ciclon Milton a intensifica rapidamente pa un horcan di categoria 4 cu biento di 150 mph dialuna mainta y pa merdia categoria 5 cu biento di 175 mph. Den algun ora, Milton a fortalece pa un Kategoria 2, despues un Categoria 3 y despues un Categoria 4 y 5. Cada cambio tabata dentro di un periodo di 2 ora. 

HOPI RUBIANO

A compronde cu tin hopi rubiano na Florida cu vacacion, den e region unda cu e horcan por bay dal diaranson.  Ta pronostica cu horcan Milton lo yega tera diarason anochi of diahuebs mainta trempan como un horcan di categoria 3. Ta anticipa yegada na tera na cualke caminda entre djis nort di Tampa pa suid di Sarasota.

ALERTA 

Un alerta di horcan a wordo emití pa Tampa Bay i Fort Myers, mientras cu un vigilancia di tormenta tropical ta na vigor for di Apalachicola pa Key West. Inundacion di awa for di Fort Myers pa Tampa por ta mas halto cu e 7 pia cu a kibra recòrd registra durante Helene. Inundacion tambe ta un menasa ya cu un tormenta separa a basha awaceru riba Florida pa e ultimo dianan.