• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

‹›

• 
• 

Amnesty: Aruba mester proteha Venezolanonan cu ta busca asilo, miho

MIAMI - Venezolanonan cu ta pidi asilo ta victima di e falta di legislacion di asilo na Aruba. Aruba ta solamente 24 km di Venezuela y hopi Venezolano ta drenta Aruba iregularmente via viahenan peligroso riba lama y despues automaticamente ta wordo poni den detencion y deporta. Esaki ta loke Amnesty International ta declara den e estudio di awe ‘Regla pero No Proteccion’ – develando bashi den proteccion di refugiado di Venezolanonan na Aruba door di e investigador di Amnesty Tamara M. de Paula. E rapport ta resalta e falta di legislacion specifico pa asilo na Aruba, problemanan cu detencion di imigracion y preocupacionnan pa loke ta trata e trato di solicitantenan di asilo Venezolano, incluyendo muchanan. E rapport ta e prome investigacion di Amnesty International riba Venezolanonan cu ta pidi asilo na Aruba.

APLICANDO ASILO NA ARUBA

Aruba tin un poblacion di 107.151 persona y ta un destinacion popular pa Venezolanonan buscando proteccion desde e brote di e crisis den nan pais. Entrante juni 2023, lo tin mas o menos 17 mil Venezolano na Aruba.

Desde 2018, no tin trafico aereo directo entre Venezuela y Aruba. Ademas cierto rekisitonan di visa y documentonan necesario ta aplica pa personanan di Venezuela por drenta Aruba. E documentonan aki actualmente ta dificil pa haya pa hopi Venezolano.

Venezolanonan cu ta pidi asilo na Aruba por haci esaki di varios manera: ora ta drenta regularmente (legalmente) e isla, mientras cu nan ta na Aruba caba, y despues di colocacion den un centro di detencion di imigrante.

“Amnesty International ta compronde e circunstancianan dificil riba un isla manera Aruba, pero Aruba a ratifica tratadonan internacional di derechonan humano cu ta carga derecho y obligacionnan riba tereno di refugiado y asilo,” segun Dagmar Oudshoorn, director di Amnesty International Hulanda.

Por ehempel, Aruba ta mara na e Convenio Internacional di Refugiado di 1951 y mester respeta e obligacionnan cu ta surgi for di esaki – manera e principio di no-refoulement, cu ta prohibi pa debolbe hende pa paisnan unda nan por topa cu persecucion, tortura of otro violacion di derechonan humano.

ENBOLBIMENTU DI GOBIÈRNU HULANDES

“Amnesty International ta contra deportacion di Venezolanonan for di Aruba y ta preocupa pa proteccion di Venezolanonan na Aruba,” Dagmar Oudshoorn ta bisa. ‘E organisacion di derechonan humano tambe ta preocupa pa e envolvimento Hulandes den e recepcion di hendenan cu ta huy na Aruba.’

Gobierno Hulandes ta ofrece Aruba asistencia pa duna refugio na hendenan Venezolano cu ta fugitivo. E sosten aki ta consisti di ayudo financiero y tecnico. Por ehèmpel a paga buelonan di deportashon pa Venezolanonan, loke ta nifiká ku Hulanda tambe por a violá e prinsipio di no-refoulement. Esaki ta bisto for di documentonan di ambos gobierno. E ayudo tabata enfoca principalmente riba rastreo di e Venezolanonan y nan detencion y deportacion, en bes di riba nan proteccion.

DETENSHON FORSÁ PA IMIGRASHON

Venezolanonan cu ta drenta Aruba iregularmente ta wordo deteni y sera den detencion di imigracion. Na yegada nan ta haya un ordo di detencion y pertenencianan personal manera telefon ta wordo confisca. Un hues lo evaluá e legalidat di detenshon denter di 72 ora. Ta posibel pa pidi asilo den e sentro di detenshon, pero esaki no ta konosí generalmente.

Algun Venezolano den detenshon di imigrashon a informá ku nan a wòrdu preshoná pa firma òrdu di deportashon. Door cu e documentonan aki ta na Hulandes, hopi Venezolano no ta compronde kico nan ta firmando. Ademas e kondishonnan den e sentronan di detenshon ta malu. Abogadonan no tin akseso sin restrikshon na hende den e sentronan, i hende ku problema di salú i hende muhé na estado tambe a keda detené i deportá. Algun Venezolano a informa di a wordo trata na un manera denigrante y xenofobo.

‘Omar’, kende tabata será den un kònteiner di envio ta bisa: Mi a drumi riba vloer den un kònteiner pa nuebe dia. Sin awa, lus, paña limpi, habon, òf un skeiro di djente. Mi no tabatin mag di sali pafó pa haña airu fresku.”

YAMA AMNESTY INTERNATIONAL

Amnistia Internacional ta haci un yamada na autoridadnan di Aruba pa desaroya legislacion specifico pa asilo, cu legislacion separa pa mucha. Den caso di mucha, Aruba mester garantisa cu e Conseho di Tutela ta envolvi y cu ningun mucha ta wordo deteni. Ademas, solicitantenan di asilo, refugiadonan y migrantenan Venezolano mester tin acceso na proceduranan di asilo husto y efectivo, y acceso na informacion tocante nan derechonan na Spaño. Mas ainda Aruba no mag di manda Venezolanonan forza bek pa Venezuela. Aruba tampoco ta permiti pa automaticamente detene Venezolanonan cu ta drenta iregularmente.

Tambe gobierno Hulandes mester percura pa derechonan humano wordo respeta y garantisa den henter Reino, y cu ayudo financiero y tecnico no ta resulta