- Eman no a logra convence partido ‘ainda’ pa Rene Herde reemplasa de Meza
- Arubaconus hieroglyphus ta un cocolishi endemico di lama
- Prijs di gasoline, diesel y kerosin ta subi basta diaranson awor
- Awe nochi Lotto ta laga bo bira miyonario di 1.5 miyon florin!
- E cantidad di morto pa motibo di inundacion di Texas a pasa 100
Polis di Bario a ricibi cuater vehiculo policial nobo
MACUARIMA - Den e showroom di Yrausquin & Sons a tuma lugar desvelo y entregamento di cuater vehiculo nobo pa e departamento di Polis di Bario di Cuerpo Policial Aruba.
Den presencia di Minister di Husticia y Asuntonan Social Sr. Rocco Tjon y alto comisario drs. Ramon Arnhem y e compania Yrausquin & Sons a haci e entrega di cuater vehiculo marca Mitsubishi di aña 2025.
E cuater vehiculo nobonan aki nifica un paso pa e direccion nobo cu Polis di Bario lo bay. Cu e imagen di Cuerpo Policial Aruba riba dje pero tambe “BARIO” poni riba dje. Pa altocomisario esaki ta nifica un imagen nobo pa departamento di Polis di Bario. A pone hopi infasis pa curso pero tambe a haci un estudio pa tur agentenan di Polis di Bario pa asina eleva nan conocimiento pero tambe pa un etapa nobo di maneho den Polis di Bario.
E vehiculonan nobo aki ya caba a subi caminda y ta cla pa e personal di Polis por haci uzo di dje. Cada Districto a haya un vehiculo di “Bario” pa asina nan por haci nan trabou mas optimal.
Polis a detene adulto mayor di 70 aña pa posecion di droga
Zr. Ms. Friesland ta intercepta 511 kilo di cocaina
Polis ta cuminsa usa bodycams entrante otro siman!
MACUARIMA – Durante e mesun siman cu Parlamento a trata e tema durante un reunion publico, esta riba e.o. e uso of falta di uso di bodycams, Cuerpo Policial a anuncia diabierna, cu for di otro siman, polisnan ta subi caya cu bodycams. Mientras cu tabatin discusion den Parlamento, lidera pa e fraccion di PPA riba e tema, cu ainda no tin esaki, minister di husticia Arthur Dowers a mustra cu e proyecto tabata bezig, pero pa motibo di problema legal, no a inicia cu e proyecto. Pero, diripiente, e siman aki, e anuncio a bin cu otro siman polis tin bodycam na curpa.
Polis a detene pareha y otro persona den caso di traficacion di hende
Polis ta alerta riba hortamento di brommer di marca AKT
ORANJESTAD - Cuerpo Policial Aruba a tuma nota cu recientemente tin un tendencia pa loke ta trata hortamento di e brommer marca AKT. “Nos kier concientisa nos comunidad cu tin un di e brommernan aki pa tuma bon nota di esaki y como mensahe di prevencion pa pone extra seguridad pa evita cu bo brommer wordo horta. Esaki door di pone por ehempel: un bon candal, un stuurklem, GPS-tracker y of alarma. Paga bon atencion na unda bo ta parkeer bo brommer. Por ehempel: pare na unda tin suficiente luz, pone bo brommer na cadena cu slot na un objeto cu ta dificil pa move y bay cune” “Otro tips extra ta no laga bo yabi na unda cu ta. Percura pa bo saca foto di bo brommer incluyendo e serienummer. Esaki ta pa si acaso e wordo horta bo por mustra polis”. Cuerpo Policial lo keda informa y consientisa pueblo pa ta mas alerta pa tipa di actonan asina
Atraco Team a detene hoben na Kamerlingh Onnestraat pa ladronicia
ORANJESTAD - Diabierna den oranan di madruga, team di Aresto hunto cu Atraco Team a tene un entrada hudicial na un percela na Kamerlingh Onnestraat. E aresto ta enconexion cu un caso di atraco cu a tuma lugar den luna di april. Akinan e sospechonan a bay cu hoyas y cellular. Na e percela a detene e homber di inicial J.D.L. naci na Aruba di 19 aña. Den e caso aki e sospechoso J.D.L. ta bira e di dos detencion pa cu e caso aki. No ta descarta cu lo tin mas detencion den e dianan nos dilanti.
Follow NoticiaCla
