CAPE CANAVERAL - Un nave espacial cu dos persona abordo a sali diasabra pa e stacion espacial ISS, unda dos astronauta Mericano ta pega. E cuater lo regresa na Tera hunto na cuminsamentu di otro aña.
E raket SpaceX a lanta for di e base espacial di Cape Canaveral na Florida pa 7:17 PM ora di Hulanda. E lansamento en realidad tabata programa pa algun dia pasa, pero a wordo posponi pa motibo di horcan Helene.
A bordo tin e astronauta merikano Nick Hague (49) y e cosmonauta ruso Aleksandr Gorboenov (34). E intencion ta pa nan mara cu ISS diadomingo alrededor di 11:30 PM ora di Hulanda.
OTTAWA - Partido Liberal di prome minister Mark Carney a gana e eleccion di Canada. No ta cla ainda si e liberalnan a logra un mayoria absoluto den parlamento. Pa logra esaki e partido mester obtene 172 di e 343 asientonan. Carney a reclama e victoria di eleccion den un discurso. El a bisa cu e ta ansioso pa traha cu tur partido den Parlamento. Poco prome cu su discurso, e lider di e partido Pierre Poilievre di e Partido Conservador, principal competidor di e Liberalnan, a admiti derota.
DEN HAAG - Amnestia Internacional (AI) a denuncia diamars awor cu gobierno Hulandes cu ta inclui un mayoria di e derecha radical, a propone medidanan pa restringi e posicion procedural y asistencia huridico di solicitantenan di asilo como parti di un pakete mas amplio dirigi riba enforsamento di e politica di asilo na Hulanda. Tambe el a critica e hecho cu na Aruba, parti di Reino Hulandes, solicitantenan di asilo Venezolano, incluyendo muchanan, “no tabata tin acceso na proceduranan di asilo husto y efectivo.” Asina e portal swiss info ta raporta. Riba e portal di Amnesty International mes, no ta mira e raporta aki si. E articulo riba e portal suizo, ta mas enfoca riba e situacion Hulandes, pero remarcablemente a haci mencion di Aruba tambe den e articulo aki, aunke no ta bay den detayes di e caso.
VATICANO - Vaticano a dicidi cu e conclave pa eligi un Papa nobo lo cuminza dia 7 di mei proximo E fecha a worde fiha awe durante un reunion cera di cardenalnan na Vaticano.
MIAMI - Portugal, Italia, Spaña, Merka, Seychelles, Australia, Aruba i Cuba ta ‘fiha’ entre e playanan mas imprecihonante na mundo cu beyesa natural elogia y awanan cristal cla. Asina e portal travel and tour world ta raporta dialuna.
CIUDAD VATICANO - Papa Francisco ta dera den e Basilica di Santa Maria Maggiore na Roma. Mas tempran den dia, e misa di entiero a wordo teni na Plaza San Pedro na Ciudad di Vaticano.
BRASILIA - Ex presidente Brasileño Fernando Collor de Mello a wordo deteni awe. Corte Supremo a dicta ayera cu mesora e mester cuminsa sinta su castigo di prizon pendiente pa motibo di corupcion.