Stichting Sportsubsidie Aruba ta investigando un caso di irregularidad den su organisacion

ORANJESTAD - Stichting Sportsubsidie Aruba (SSA) a anuncia e siman aki cu e ta realisando un investigacion relaciona cu un posibel caso di irregularidad den su organisacion. Ta trata di varios miembro den e organisacion aki cu lo a of tabata haci cosnan ‘iregular’. 

KEHO PENAL

SSA a sigui bisa cu si resultadonan preliminar indica necesidad pa esaki, lo tuma tur paso necesario, incluyendo e posibilidad di entrega keho penal. Stichting Sportsubsidie Aruba a sigura cu nan ta compromete pa implementa tur medidanan necesario pa preveni cu irregularidad di es tipo aki no ripiti.

MINISTER TA LAMENTA

Minister encarga cu deporte y responsabel pa SSA, Endy Croes a informa diaranson riba pregunta di prensa den su conferencia di prensa regular, cu e ta lamenta e suseso y ta spera cu cosnan cana manera nan mester ta.