Stephany Sevinger a yega Aruba y keda presenta pa AVP mesora como candidato

ORANJESTAD – Partido politico berde AVP a presenta su candidato ‘nobo’ Stephany Sevinger diadomingo anochi oficialmente despues cu e la caba yega for di Hulanda, como ‘reemplasante’ di su tata Benny Sevinger. Sevinger ta residencia na Hulanda y a bin Aruba pa tuma over pa su tata, den e proximo eleccion na December awor. Benny a opta pa mirando su situacion legal, di e biaha aki no participa, pero a pasa e batuta pa su yiu muher, pa asina purba toch pa sigura e votonan ey tambe keda pa e partido berde. Stephany Sevinger ta studia den politicologia, y tin experiencia adkeri di politica Hulandes tambe despues di a caba su estudio na Merca y Hulanda. Segun e tata, dialuna lo pasa inscribi Stephany Sevinger bek na censo na Aruba pa asina e por participa na e eleccion proximo. E fecha deadline pa inscribi, ta 18 di September proximo, pues e ta yega net net na tempo pa inscribi y participa.