Manifestantenan ta drenta Senado Mexicano y para un votacion tenso

MEXICO CITY - Cientos di manifestante Mexicano a invadi Senado di e capital durante un debate fuerte riba reformanan hudicial controversial. Despues e presidente a dicidi di termina e reunion, cu consecuencia cu no a vota riba e proposicion.

E manifestantenan kier pa plannan, manera eligi huesnan publicamente, wordo cancela. “E sistema di husticia lo no cai den otro,” e manifestantenan a grita, incluyendo personal hudicial y studiantenan di derecho, zwaai cu banderanan di Mexico.

E manifestantenan a drenta e edificio di Parlamento despues di informenan cu e partido di presidente López Obrador a recohe suficiente voto pa por a pasa e proposishon. Un di tres miembro di oposishon necesario lo wordo convenci pa vota na fabor y asina garantisa un mayoria. Mas prome e siman aki, e Camara di Diputadonan, e Camara di Representantenan di Mexico, ya a bai di acuerdo.