- Minister Hulandes di Husticia van Weel a bishita wardanan di polis na Aruba awe
- Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
- Veldkamp: Hulanda lo actua contra Venezuela despues di expulsion di diplomaticonan
- Feco Gomez(AMAK): Arubianonan ta participa atrobe den festival di Tumba di Corsou
- Zoetrum (CTB): Corsou tin un sin fin di actividad pa Arubianonan den 2025
WeConnect Podcast tocante Queer & Caribbean:“Mester tin aliadonan visibel pa nos riba e islanan”
ROTTERDAM - WeConnect Podcast di e luna aki ta enfoca riba ser queer den e comunidad Caribense. ( Queer ta un termino general pa hende cu no ta heterosexual of no ta cisgenero. Originalmente nifica ‘straño’ of ‘peculiar’, queer a bin ta wordo usa pejorativamente contra hende LGBT na fin di siglo 19. For di fin di añanan 1980, activistanan queer a cuminsa reclama e palabra como un descripcion propio neutral of positivo). Con ta lanta na Boneiro si bo ta atrae na un hende di e mesun sexo? Con bo ta deal cu resistencia of falta di aceptacion den bo famia? Te na ki grado ser queer ta determina bo identidad?
TATIANA Y EDMALY
Esakinan ta palabranan di twentysomethings Tatiana Nicolaas i Edmaly Thielman, ambos di Boneiro y biba na Hulanda. Nan a studia na Hulanda y, despues di un periodo di trabou na Boneiro, awor Tatiana a cuminsa un estudio di master den Enseñansa di Arte na Rotterdam. E ta franco tockante con difícil e ta pa hobennan na Boneiro: “Lihe bo ta bira solitario como un persona queer riba e islanan.”
TABOO
Edmaly no ta sintie na cas cu e termino ‘queer’. E ta bisa: “Mi no gusta e palabra ey, e ta bira un tipo di insulto. Mi ta riba tur cos un ser humano y mi ta pasa di ta cu un muhe.” E tabatin añanan ta biba na Hulanda ora el a haña un amiga. E ta boga pa tin mas papia riba temanan taboo riba islanan. “Haci sigur cu bo conose bo mes prome cu bo husga cualkier otro hende.”
ALIADONAN
Tatiana ta defende sosten habri pa e comunidad queer riba e islanan mes. “Nos mester di aliadonan cu lo para pa nos visibelmente. Welanan, omonan, hendenan di misa y enseñansa.” E ta señalá cu tin hopi mas hende cu bo ta kere cu ta lucha cu nan identidad sexual y no ta durf of no por sali tocante di esaki. Tambe e ta mira un rol pa su mes como docente: “Mi por ta un fuente di inspiracion pa mi studiantenan tambe.”
TIPS
Tatiana y Edmaly ta conseha hobennan Caribense pa primordialmente busca nan identidad. Edmaly: “Sali for di bo zona di comodidad; bo a dal e prome stap caba door di bin Hulanda. Bai riba un biahe di descubrimento. Acepta cambio.” Tatiana ta agrega cu bo mester tene specialmente e hendenan cu bo ta stima informa di bo desaroyonan. “Hiba nan cu bo riba bo biahe!”
E WeConnect Podcast aki ta wordo presenta pa Saul Henry y por wordo scucha via:
Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
DEN HAAG – Ta bergonsoso cu partido politido KEM na Corsou, a apunta su lider Lo Martinez como lijsttrekker, esta pa lidera e lista politico pa e proximo eleccion, siendo cu e persona tin un luna cera caba den prizon, pa sospecho di corupcion. E miembro di Tweede Kamer pa partido PVV Peter van Haasen, a cuestiona e secretario di estado Hulandes Szabó riba e tema aki durante un debate riba islanan CAS diaranson mainta. Segun e miembro di PVV, a spera un intermediacion di parti di Hulanda, pero Szabó a splica cu e no por intermedia den e asunto aki. E ta compronde si cu den e debate di awe mainta, no tin sosten pa e acto cu a tuma lugar na Corsou.
Veldkamp: Hulanda lo actua contra Venezuela despues di expulsion di diplomaticonan
DEN HAAG - Como contesta riba e expulsion di varios diplomatico Hulandes for di Venezuela e siman aki, minister di Relashonnan Eksterior Hulandes Veldkamp a yama e encargado di asuntunan Venezolano (un hende cu ta tuma e tareanan di un embahador) ‘op het matje’. Veldkamp ta yama e desaroyonan un escalacion cu ta haci e dialogo mas complica ainda.
Dies caso di contaminacion pa a come blueberry di Albert Hein na Hulanda
AMSTERDAM - Diez persona a raporta na Albert Heijn ayera nochi laat cu nan a bira malo despues di a come blueberry. E cadena di supermercado a anuncia un retiro grandi despues cu por lo menos diesdos persona a keda infecta cu hepatitis A despues di a consumí blueberry congela.
Van Dijk (NSC) a bira presidente di Comision di Relashonnan di Reino pa Tweede Kamer
DEN HAAG – Olger van Dijk (NSC) ta e presidente nobo di Comision di Relacionnan den Reino di Camara di Representantenan (Tweede Kamer). El a haya 4 di e 6 votonan emiti. Oponente Songül Mutluer (GroenLinks-PvdA) – e presidente interino te ku awe – a risibí 1 voto. E comision aki ta atende cu asuntonan cu ta regarda e.o. asuntonan di Aruba, Corsou y St Maarten y islanan BES. Esaki ta haci su posicion di importancia pa nos.
Secretario di Estado pa Asuntonan di Reino Zsolt Szabó a firma registro di condolencia
DEN HAAG – Secretario di Estado pa Asuntonan di Reino Zsolt Szabó a firma e registro di condolencia na Gabinete di Aruba pa ex-prome Minister Henny Eman kende riba 6 di Januari ultimo a fayece na e edad di 76 aña.
Zsabó: ‘No tin luga pa corupcion den e paisnan Caribense di Reino’
DEN HAAG – Corupcion, minamento di confiansa publico, y otro formanan di criminalidad no tin luga den un estado constitucional, segun Zsolt Zsabó, Secretario di Estado di Relashonnan di Reino Hulandes. Zsabó a enfatisá su compromiso pa promove bon gobernacion y fortalese estado di derecho den colaboracion cu e paisnan Caribense denter di Reino Hulandes.
Follow NoticiaCla
