Starlink ta sigui ordo di hues y ta afirma cu a blokia acceso na e red social X na Brazil

BRASILIA - E compania di internet satelite di e multimillonario Elon Musk, Starlink, a bisa dia 3 di september ultimo cu a cumpli cu un orden di e hues brasileño Alexandre de Moraes y a blokea e acceso na e red social X den e pais Sur Americano.

“Na nos usuarionan na Brazil (cu kisas no por lesa esaki a consecuencia cu X a wordo blokia pa Alexandre): siguiendo e ordo di Alexandre siman pasa pa freeze finanzas di Starlink y evita cu Starlink ta haci transaccionnan financiero na Brazil ( ...) apesar di e trato ilegal di Starlink (…) nos ta cumpliendo cu e ordo pa blokea acceso na X na Brazil,” e compania a declara.

Starlink a agrega cu e ta haciendo tur loke e por pa mantene su usuarionan conecta y ta tumando tur caminda legal pa proba cu e ordennan di hues ta viola e Constitucion di Brasil.

Huez Alexandre de Moraes, di Corte Federal Supremo di Brasil, a suspende e uso di e red social X den e pais dia 30 di augustus, debi na e nengamento di Musk pa nombra un representante legal nobo pa e plataforma.