Tur trahado di SABA na Playa y San Nicolas a bay den accion

ORANJESTAD - Dialuna mainta tur trahado di SABA (tanto Oranjestad como San Nicolas) a pone trabou abou. Segun informacion ricibi, nan a fada di e situacion laboral y ta exigi pa papia directamente cu e management team, y tambe e minister encarga, esta Ursell Arends. Nan tin problema cu e situacion laboral y falta di material. A cansa di pidi ayudo y awor nan a fada y a dicidi di pone trabou abou como un medida di presion. Nan ta mustra cu e situacion ta perhudica e adultonan mayor cu ta bou di nan cuido. Tin un directora nobo cu lo a hereda e situacion fastioso. A compronde cu e intencion ta pa amplia e cantidad di adulto mayor pa e varios facilidadnan, cu segun e trahadonan no ta consehabel y ni responsabel.