Seleccion di Aruba cu bate cayente ta blankea Australia 11-0 den LLWS 2024

WILLIAMSPORT – E seleccion di Aruba hungando den e Little League World Series 2024 na Williamsport, Pennsylvania, a blankea e seleccion di Australia 11-0 dialuna mainta y ta avansa pa e siguiente werga, cu ta sea contra Japon of Venezuela. E wega a inicia dialuna na di 2 inning cu Aruba gana 3-0. E wega a cuminsa den awacero y asina mes Aruba su bate a keinta den di 3 y 4 inning, hincando no menos cu 8 careda pa finalmente pa regla, nan gana e partido. Segun regla di little league, e team cu yega 10-0 den di 4 inning, ta gana e partido. E wega a keda suspendi diadomingo pa mal tempo. Venezuela a derota Mexico 10-0 mientras cu Mexico a gana Aruba 2-0. E ta bira un wega interesante awor cu  Aruba a gana dialuna y bay pa e wega ey cu ta cuminsa pa 1or di merdia diamars. Pa esnnan cu ta interesa pa wak e wega, por haci esaki via e canal deportivo mericano ESPN.