Anochi a cera sin cu conoce solucion pa taxistanan

ORANJESTAD - Minister di Labor Sr. Glenbert Croes a anuncia diabierna   cu despues di dos aña di trayectoria, Conseho di Minister di Gobierno di Aruba a aproba salario mínimo pa ora. Un aumento cu lo beneficia significativamente tur trahado aki na Aruba. E cambio aki ta resultado di hopi analisis y investigacion cu a inicia na 2022 y ta drenta na vigor 1 di januari 2025.

ORANJESTAD – Si tur cos cana bon, aki cuater luna, e beach  na Rodgers Beach lo ta mucho mas grandi. E siman aki  a tuma luga na San Nicolas, e ceremonia di groundbreaking di e proyecto di embeyecemento di Rodger’s Beach. Prome Minister Evelyn Wever-Croes tawata presente pa e ocasion aki hunto cu Minister Dangui Oduber.

ORANJESTAD -  Lo converti e cas di e mayornan di Betico Croes (den feliz memoria) den un museo ultramoderno cu e historia di Betico, e lider y estadista stima pa su pueblo, unda cu e alumnonan di scol y nos bishitantenan por conoce un poco mas di e bida y lucha di nos libertador pa nos Status Aparte. Manera ta conoci, e proyecto a inicia dos aña pasa y tin un comision cu ta trahando duro pa por logra cristalisa e museo. 

ORANJESTAD – Prome minister di Aruba Eveyn Wever-Croes a wordo informa di e salida di Edmundo Gonzalez for di Venezuela ora cu ya e la bandona Venezuela. “Ami a wordo informa diadomingo mainta despues di e candidato di oposicion ya a sali pa Spaña caba” Wever-Croes a contesta Noticiacla riba e pregunta. Esaki tabata importante pa Aruba mirando cu Aruba pa asuntonan internacional ta cay bou di Hulanda y cu cualkier accion di Hulanda por afecta Aruba. E mandatario ta mustra di no tabata mucho contento cu e forma con cos a bay. “  Mi a puntra Hulanda dicon nan no a avisa nos prome y nan a informa cu pa seguridad di e staf y personal si embahada, e noticia aki a keda solamente den un grupo hopi chikito” e mandatario a finalisa bisando. Esaki ta interesante pasobra tin informacion cu Corsou, no tabata na altura mes, y no ta conoci si ey tambe ta despues di e hecho, nan a wordo informa. 

ORANJESTAD – Diaranson 11 di september Prome Minister Evelyn Wever-Croes a reuni cu e Daily Board di San Nicolas Business Association (SNBA) pa trata proyectonan den ehecucion. Gobierno ta reuni riba base regular cu diferente stakeholder y San Nicolas Business Association ta un stakeholder importante mirando e proyectonan den planificacion y den ehecucion na San Nicolas. 

ORANJESTAD – Parlamentario independiente Gerlien Croes a pone fecha ‘porfin’ pa lansa su propio partido politico, of por lo menos esey ta loke cos ta mustra pasobra te awor, Gerlien Croes no a confirma cu e loke e ta ‘bezig’ cu ne ta enberdad un partido politico. Pero ta asumi cu esaki lo ta e caso. Loke a ‘cambia’ ta e color di e presentacion, cu si prome esaki tabata color teal, esaki awor tin un color biña. Y tambe a bira conoci kico e palabra TUR ta para pe. Esey ta bira Transparencia Union y Respet. E conferencia ta poni pa cuminsa 6’or y mei te cu 8’or. Mientras cu prensa a haya su invitacion, e invitacion a bay publico tambe riba su paginanan social manera e.o. Facebook. Esaki ta nifica tambe cu cualkier ‘chens’ pa subi bek riba lista berde, esta AVP, ta keda elimina. Por lo menos esey ta e parecer. E pregunta ta keda cu si e logra asiento, si e ta dispuesto pa traha cu AVP si nan logra haya asiento pa forma un gobierno. Tur ta speculacion, pasobra ainda no ta ni sigur cu ta un partido politico e lo presenta.