Segun minister Arends, permisonan di taxi no por sigui circula den e mesun grupo (di taxista)

Posted on 08/5/2024 4:27 pm AST | Updated on 08/5/2024 4:27 pm AST

ORANJESTAD – E maneho di transporte publico ta basa riba interes general y oportunidad igual. :Permisonan di Pueblo (di taxi:red) no por sigui circula den mesun grupo” ta loke e minister encarga cu transporte, Ursell Arends a bisa e grupo di taxista cu a protesta dialuna mainta. Manera ta conoci, un grupo di taxista a manifesta dilanti di Bestuurskantoor dialuna mainta pa mustra cu nan ta opone cambionan cu Minister Arends a introduci den maneho nobo pa loke ta permiso den transporte publico. Nan a para trafico y blokia transito pa asina pone presion pa evita e cambionan.

REACCION

Den respuesta na e manifestacion, minister Arends ta reafirma su compromiso pa asegura oportunidad igual pa esnan cu ta desea di yega na remarke pa un permiso di taxi. “E maneho nobo ta pa nos habri e sistema di permiso, crea oportunidad igual, para e negoshi di toko-den-toko y pone un fin na patronahe politico,” segun Minister Arends a informa.

CARTA

Minister Arends a ricibi e carta for di cinco representante di taxista exigiendo pa revoca inmediatamente dos decisionnan ministerial, sin splicacion y sin niun argumento. Minister Arends a invita e representantenan pa un reunion diamars dia 6 di augustus 2024, pa scucha y delibera e argumentonan pa substancia nan exigencianan.

CAMBIO DI MANEHO

E cambio di maneho ta para e traspaso di permisonan entrante 1 di september 2024 y combati e benta ilegal di esakinan. Asina por stimula un sistema mas husto y transparente. E motibo di e decision aki ta pa crea oportunidad igual pa ciudadanonan por yega na remarke pa un permiso, na luga di mantene e situacion cu hopi permisonan ta keda circula den e mesun gruponan, limitando e oportunidad igual di otro ciudadanonan pa yega na remarke.

BENTA ILEGAL DI PERMISO DI TAXI

Segun e mandatario, durante hopi aña, permisonan di taxi a wordo bendi ilegalmente pa suma di te hasta 90,000 florin, creando un mercado clandestino cu ta kita e chens pa otro ciudadanonan tambe por opera legalmente den e industria aki. E sistema di permiso di taxi pa añas a crece “krom”, den cual a pretende cu permiso ta nan propiedad y por bira herencia personal siendo cu tur permiso ta di pais Aruba.

"Nos a tende e preocupacionnan di manifestantenan awe mainta. Nan tin nan punto di bista y como Minister di Transporte mi tin e responsabilidad pa crea un ambiente mas husto. E berdad tambe ta cu permisonan di taxi ta un di e permisonan cu mas a wordo uza pa patronahe politico, pa campañadornan,” e minister a remarca.

Mirando cu esaki ta un practica di politica tradicional, nos ta anticipa cu den e dianan nos dilanti lo tin politiconan oportunista cu lo kier mantene e sistema di patronahe. “Mi ta sigur cu lo tin politiconan tras di e negoshi di permiso di taxi,” segun Minister Arends a declara. “E weganan aki, manera fixmento di vergunning, ta kibra nos Pais, pasobra ainda tin politico cu ta busca puntjes y defende sistemanan coruptivo,” Minister Arends a duna di conoce.

Traspaso di permiso no ta un derecho di taxista. Ta na e Minister di Transporte pa a base di su maneho traspasa of no traspasa. Cu e decision ministerial di 31 di juli 2024, Minister di Transporte a anuncia e cambio di maneho entrante 1 di september 2024.

E regulacion nobo ta enfoca na habri caminda pa mehoracion significante den e industria di taxi. Cu un sistema mas husto y transparente, Ministerio di Transporte por aborda otro desafionan manera pensioen y condicionnan laboral cu finalmente lo beneficia tur chauffeur di taxi.

E decisionnan ministerial ta obtenibel riba Publico.aw.

DIMP a contesta De Meza dialuna pero abogado no ta duna comentario mas
ORANJESTAD – Departamento di impuesto (DIMP) a cumpli cu e demanda di parlamentario Mike de Meza pa manda un carta positive p’e. Kico e contenido ta, no ta conoci pa noticiacla ya cu e abogado a opta awor pa no duna mas comentario. “Sorry, awe si ta no comments” e abogado Desiree Croes a reacciona pa Noticiacla dialuna atardi despues di cu e deadline a vence. Inicialmente a informa cu lo a bay entama un caso sumario awe diamars of mas tarda diaranson. Sinembargo, algun rato despues, cos a cambia, ora cu a bira conoci cu ‘toch’ un reaccion a drenta di parti di DIMP. Pero ora cu a puntra kico ta bay sosode awor, cu e contesta a drenta, e abogado a opta pa no duna mas comentario. Pues no ta sigur kico e contesta tabata.
Mas Politica
Lesa Mas
Gabinete AVP-FUTURO a pidi Szabó reconsidera decision pa aumenta tasa di interes
ORANJESTAD – Gabinete AVP-FUTURO a pidi secretario di estado hulandes Szabó pa reconsidera su decision pa aumenta e tasa di interes pa e pago di debe di Covid. Specificamente ta sugeri pa aplasa e tempo cu 6 siman, den cual partidonan lo mester keda cla pa entrega e concepto di e rijkswet nobo pa supervision financiero.
Mas Politica
Lesa Mas
Raportahe fotografico di e bishita di Eerste y Tweede Kamer na Conseho di Minister di Aruba
ORANJESTAD – Manera cu Noticiacla a raporta anteriormente caba, awe mainta e delegacion di tanto Eerste como Tweede Kamer di Hulanda a bishita Conseho di Minister. Esaki ta mas di raportahe grafico di e bishita.
Mas Politica
Lesa Mas
MEP a pidi Gerlien Croes pa stop di colga na saya di Evelyn Wever-Croes
ORANJESTAD – Como reaccion riba e critica di actual minister Gerlien Croes na ex premier Wever-Croes cu su videonan bunita pero cu e ta esun responsabel pa e tardansa den e proceso di RAFt nobo, e partido a sali na defensa di su lider Wever Croes y a pidi sra Croes pa no colga na su saya. Di un banda, e partido ta considera cu e ta un honor cu srabGerlien Croes kier colga na saya di sra Wever-Croes pasobra cu e legado cu e ta laga atras ta grandi. Y sra Gerlien Croes basicamente ta confirma esaki segun e partido geel.
Mas Politica
Lesa Mas
Wever: No tin motibo pa panico riba desaroyo di tarifa introduci na Merca
ORANJESTAD - Awemainta minister Geoffrey Wever ta den Parlamento di Aruba, den un Openbare Bijeenkomst a informa miembronan di parlamento y pueblo tocante e desaroyonan di Tariffs implementa na Merca y nan posibel impacto pa Aruba. Segun e mandatario, ta importante pa pueblo sa cu minister Wever ta den dialogo cu e stakeholdernan, y ta prepara pa por adapta si acaso ta necesario den cualkier eventualidad. Na e momento aki no tin motibo pa panico, pero si pa keda cauteloso - y nos lo keda prudente cu maneho financiero!
Mas Politica
Lesa Mas
Conseho di minister a reuni cu miembronan di Eerste y Tweede Kamer di Hulanda
ORANJESTAD – Miembronan di Eerste y Tweede Kamer di Hulanda, presidi pa Martin Bosma, a reuni cu Conseho di Minister di Gabinete AVP- FUTURO dialuna mainta. E delegacion ta na Aruba pa actualisa nan mes riba e situacion na Aruba y conoce e gobernantenan nobo.
Mas Politica
Lesa Mas