CNE: Cu 96.87% di voto conta, Maduro ta vence cu 51.95% vs Gonzalez cu 43.18% na Venezuela

CARACAS – Diabierna merdia, e Poder Electoral, Conseho Electoral Nacional, a dirigí su mes na e pueblo noble di República Bolivariana di Venezuela y na Comunidad Internacional, pa informa cu, un transmishon di 96.87% te cu awe nanlo a duna e siguiente resultadonan di e Eleccion Presidencial cu a tuma lugadiadumingo último 28 di juli 2024.

ATAKE MASIVO

Segun CNE, nan no kier a bisa esaki sin prome destaca riba e atakenan masivo di computer di diferente parti di mundo contra e infrastructura tecnologico di Poder Electoral i e companianan principal di telecomunicacion di estado a tarda e transmicion di e notule i e proceso di difucion di resultado.

Segun CNE, e atakenan terorista a incluí e kimamento di Ofisinanan Electoral Regional, Centronan di Votacion i centronan di Transmicion di Contingensia.

“Apesar di e ariba menciona, e Poder Electoral te cu awe a logra transmití e mayoria di e notula i consecuentemente nos ta sigui conforme e disposicionnan di e Ley Organico di e Poder Electoral, e Ley Organico di Procesonan Electoral, e Reglamento General di e Ley Organico di Procesonan Electoral:

 Cu transmicion di 96.87% i 59.97% di partisipacion, e Rector Principal di CNE, Elvis Amoroso, ta señalá e resultado:

Nicolás Maduro (PSUV) 6.408.844 voto, 51.95%

Edmundo González (MUD) 5.326.104 voto, 43.18%

Luis Martínez (AD) 152.360 voto, 1.24%

Antonio Ecarri (LAPIZ) 116.421 voto, 0.94%

Benjamin Rauseo (CONDE) 92.903, 0.75%

José Brito (PV) 84.231 voto, 0.68%

Javier Bertucci (El Cambio), 64.452 voto, 0.52%

Claudio Fermín (SPV), 40.902 voto, 0.33%

Enrique Márquez (Centrados), 29.611 voto, 0.24%

Daniel Ceballos (Arepa), 20.056 voto, 0.16%

21.321.805 votadó registrá

20.654.431 votadó den registronan transmití (96.87%)

Votadónan: 12.386.669 (59.97%)

Votonan bálido: 12.335.884 (99.59%)

Votonan nulo: 50.785 (0.41%)

GRADICIMENTO

E Poder Electoral a gradici y felicita e pueblo di Venezuela pa e demostracion profundo di vocacion democratico expresa den e eleccionnan presidencial di diadomingo 28 di juli, como tambe e trupanan di e Forsanan Arma Nacional Bolivariano desplega den e Plan di Republica, e observadornan y compañeronan internacional organisacionnan, y na tur e digno mandatarionan di Conseho Nacional Electoral cu a haci posibel y a percura pa e boluntad di nos pueblo wordo expresa.