- Gabinete AVP-Futuro: 100 Dia di liderazgo hunto, compromiso y progreso
- Gobierno ta anuncia aumento pa e.o. subsidio escolar
- AHATA: Alohamento na ‘AirBnB’ a crece y no na hotel
- Aruba Marriott Resort & Stellaris Casino ta nombra Arubiano como gerente nobo
- ATIA: Blackout ta costa comercio di Aruba miyones!!
Transporte di molinanan di biento nobo di Aqualectra ta halando hopi atencion na Corsou
WILLEMSTAD - Djadumingu último a finalisá e trabounan di preparashon den kuadro di preparashon pa transportá e mulinanan di bientu nobo ku ta bai keda instalá na Koraal Tabak.
Den e periodo te ku 29 di ougùstùs e trabounan di transporte pa Koraal Tabak lo tuma lugá
E orario di transporte durante siman ta di 9’or pa 11’or parti mainta i di 2’or tras di mèrdia pa 4.30’or di atardi.
E trabounan di transporte lo kontinuá tambe durante di wikènt i esaki lo sosodé entre di 6’or di mainta pa 8’or di mainta i di 2’or di mèrdia pa 4’or di atardi.
Tur transporte lo ta kompañá pa Kuerpo Polisial.
Transporte di partinan mas grandi por kousa molèster temporal den tráfiko, nan ta tuma lugá mas tantu posibel durante di wikènt so.
Aqualectra ta pidi outomobilistanan pa trafiká ku koutela den e áreanan ku e transporte lo pasa. NOTA: Texto ta scirbi den Papiamento fonetico di Corsou.
OM: Ex-parlamentario di Corsou Calmes a falsifica 3 slip di salario di su colaboradonan
WILLEMSTAD - Ayera èks-parlamentario i lider polítiko di partido Trabou pa Kòrsou, Rennox Calmes, a presentá den korte sin abogado. E akusashon ku tin kontra di Calmes ta ku den periodo di 1e di mart 2022 te ku 28 di febrüari 2023 e so òf konhuntamente ku mas hende a falsifiká slep di salario di tres kolaboradó. E promé kolaboradó di inisial B. ku el a falsifiká su slep di salario ta for di mart 2022 te ku novèmber 2022. El a falsifiká kolaboradó B. su slep salario na 5 okashon; e di dos kolaboradó di inisial P. El a falsifiká su slep di salario na 3 okashon den luna di desèmber 2021 pa febrüari 2022. E último kolaboradó di inisial J.V., el a klasifiká su slep di salario na kuater okashon. El a falsifiká e salario bruto riba e slep di salario dje kolaboradónan. Na un okashon esaki tabata di 11.316, 34 florin, i despues a bisa 3670,17 florin, 5435 florin, 6624 florin i 9300,28 florin. E mester a manda e dokumentonan falsifiká sea via di meil òf app pa griffier di parlamentu. Na momentu ku un persona bira kolaboradó, e ta risibí 25% di su último salario. E suma aki ku su último salario, ta bira e total ku e ta gana komo kolaboradó di un frakshon den parlamentu.
Seleccion nacional di futbol di Corsou a keda elimina di Gold Cup
SAN JOSE - Ayera Selekshon di Kòrsou a topa ku Honduras, den un wega krusial pa disidí ken ta avansá pa kuart final di Gold Cup. Kòrsou a pèrdè lamentablemente ku skor di 2-1.
Corsou tin algun cara nobo awe pa wega Gold Cup contra Honduras
SAN JOSE - Pa e wega di awe pa e Copa Di Oro na Merca, entre Corsou y Honduras, e hungadornan Leandro i Juninho Bacuna ta suspendé, pa motibu di akumulashon di karchi. Esaki ta nifiká ku lo bai tin dos buraku den e bolante di selekshon di Kòrsou kontra Canada.
Na Corsou, Maduro & Curiels Bank a introduci su CEO y presidente nobo
WILLEMSTAD.- Den patio di Museo di Kòrsou ayera a tuma lugá Sera Konosí ku Quinten, e CEO i presidente nobo di Maduro & Curiels Bank.
Ayera den Gold Cup: Corsou a debuta cu empate contra El Salvador
SAN JOSE - Kos a start ayera pa Kòrsou den Gold Cup, ora ku nan a topa ku El Salvador den nan promé partido di e kompetensia. Den un wega ku Kòrsou a lusi mas mihó, e dos selekshonnan a parti punto den un empate na sero. Kòrsou a kuminsá ku mas mihó wega den e prome 15 minütnan di e partido, pero sin por a anotá gol. Leandro Bacuna tabatin un chèns den un huki difísil na di 13 minüt, pero e kiper Mario Gonzalez a trese salbashon.
Entrenamento forense di CARICOM ta fortalece e lucha contra crimen cu arma di candela den Caribe
PHILIPSBURG – Di dialuna 2 te cu diabierna 6 di Juni 2024, a tuma luga na Sint Maarten un entrenamento forense special di sinku dia tocante un tecnica innovativo di analisis forense. E entrenamento aki, organisa pa CARICOM den colaboracion cu e Trinidad and Tobago Forensisch Science Centre (TTFSC) i e Korps Politie Sint Maarten, ta yuda polis resolve crimen cu arma di candela na un manera mas eficiente.
Follow NoticiaCla
