- Gabinete AVP-Futuro: 100 Dia di liderazgo hunto, compromiso y progreso
- Gobierno ta anuncia aumento pa e.o. subsidio escolar
- AHATA: Alohamento na ‘AirBnB’ a crece y no na hotel
- Aruba Marriott Resort & Stellaris Casino ta nombra Arubiano como gerente nobo
- ATIA: Blackout ta costa comercio di Aruba miyones!!
Union Europeo no ta reconoce resultado di eleccion di Venezuela
BRUSELAS - Union Europeo lo no acepta e resultadonan di eleccion na Venezuela te ora cu tur voto a wordo conta. Hefe di politica exterior di UE, Josep Borrell, a bisa esaki den un conferencia di prensa.
E comision electoral oficial di Venezuela a declara e presidente actual Maduro e ganador di e eleccionnan diadomingo ultimo. Segun e comision, e socialista Maduro a haya 51 porciento di e votonan y por cuminsa cu su di tres periodo como presidente. Oposicion a ricibi 44 porciento di e votonan, segun e comicion electoral, pero e conteo no a wordo haci publico.
Oposicion ta bisa cu e resultado aki ta incorecto. Segun e partidonan di oposicion, multiple encuesta y conteo ta proba cu nan candidato presidencial conhunto, Edmundo González, ta e ganado real di e eleccionnan; e lo a ricibi 70 porciento di e votonan. Oposicion a pidi conteo for di varios centro di votacion cu lo a mustra cu González tabata significantemente dilanti.
Borrell ta bisa cu e comicion electoral a declara victoria pa Maduro aunke solamente 80 porciento di e votonan a wordo conta. E ta yama e conteo di oposicion un “motibo adicional pa no acepta e resultadonan” y ta bisa cu e resultadonan di eleccion mester wordo comproba completamente y independientemente.
E invitacion di e comision electoral pa UE pa permiti observadornan pa e eleccionnan a wordo retira. Union Europeo ta considerando posibel siguiente pasonan unabes cu e resultadonan completo ta disponibel. No ta conoci ki tipo di pasonan esakinan por ta.
COMISION ELECTORAL TA FABORECE MADURO
E Organisacion di Estadonan Mericano (OAS), un sociedad di 35 estado riba e continente Mericano, tampoco no ta reconoce e resultado. Segun e organisacion, e accionnan di e comision electoral ta proba cu e ta den man di Maduro.
Presidente Argentino Milei y e ministro Colombiano di Asuntonan Exterior, entre otro, a expresa nan duda riba e resultado di e eleccionnan, mescos cu e secretario Mericano Blinken.
Venezuela a bandona OEA na 2017 pasobra presidente Maduro tabata rabia riba presion di varios pais pa libera presonan politico y tene eleccion. AOS ta teniendo konsultanan di emergensia awe na Washington tokante e resultadonan di elekshon.
Manifestantenan a wordo ataca
Manifestantenan a subi caya den varios stad pa protesta e resultadonan di eleccion, cu manifestantenan y polis ta bringa. Segun organisacionnan local di derechonan humano, diesun persona a muri.
Despues presidente Maduro a dicidi di laga ehercito y polis patruya den e area pa evita mas disturbio. Agencia di noticia Reuters ta skirbi cu segun testigonan ocular, manifestantenan a wordo ataca pa polis na algun luga.
Por lo menos 80 morto na Texas debi na inundacion catastrofico na Texas
SAN ANTONIO - Por lo menos 80 persona ta morto despues cu yobida pisa a conduci na inundacionnan “catastrofico” na Texas. Por lo ménos 41 persona tabata pèrdí den henter e estado te cu diadumingo atardi laat, ofisialnan a bisa. Kerr County a wordo afecta mas duro, cu 68 morto, incluyendo 28 mucha. Presidente Donald Trump a firma un declaracion di calamidad pa e condado y e Agensia Federal di Maneho di Emergensia ta riba e tereno einan.
Elon Musk kier lanta partido politico nobo na Merca y enfoca riba e asientonan di Congreso prome
WASHINGTON -Elon Musk kier haña influencia den congreso prome cu su Partido America cu ainda no a wordo establese. E no kier enfoca riba Cas Blanco por lo pronto, e ta bisa den un X-update modesto tocante su plannan.
Avion ta hasi aterisahe di emergencia despues cu pasahero a orina den pasiyo di avion
BIRMINGHAM – Un avion di easyJet cu a sali for di Birmingham pa Tenerife diarason a hasi un aterisahe di emergencia despues cu un pasahero segun informe a orina den e pasiyo, The Mirror ta informá. Caos a surgi abordo di e vuelo pa Tenerife. Despues cu un pasahero a orina den e pasiyo, segun informe miembronan di tripulacion a roga control di trafico aereo pa permiti nan haci un aterisahe di emergencia. Tambe nan a pidi asistencia medico y agentenan policial pa escolta e pasahero for di e avion.
Hungado di Liverpool Diogo Jota (28) ta fayece den accidente di tráfiko na Spaña
ZAMORA - E delantero di Liverpool, Diogo Jota, a fayece den un accidente di trafico den e provincia Spaño di Zamora. E hungador portugues di 28 aña y su ruman homber André Silva, un futbolista profesional di e club di segunda division Penafiel, a baha for di caminda y nan auto a pega candela.
Artista Sean ‘Diddy’ Combs absolve di mayoria cargonan contra dje
NEW YORK – Artista Sean Diddy Combs diaranson a keda absolve di mayoria cargonan contra dje den corte, y keda sentencia 'solamente' pa cargo di prostitucion. Esaki ta inclui violacion sexual contra su propio ex pareha. Noticia den proceso.
Arubiano ta ricibi Premio Emmy na Los Angeles pa documentario deportivo
LOS ANGELES – Den fin di siman, Noticiacla a ricibi confirmacion cu un arubiano a ricibi e premio cotiza di mundo di cinematografia, esta e galardon Emmy. Den e caso aki ta e conocido arubiano Jo Henriquez, a ricibi e premio pa e categoria deportivo pa 2024-2025 Sports Emmy Award. Ta trata pa e documentario Mountain Queen, The Summits of lhakpa Sherpa di Netflix, pa cual e la ricibi e premio ‘ Documental Largo Sobresaliente, como productor ehecutivo. Henriquez, yiu di e conocido comerciante y personalidad Landa y Raoul Henriquez (dfm). Henriquez no ta un desconoci riba e tereno di cinematografia, y algun aña atras, tabata invitado di e programAa Noticiacla LIVE, unda cu a haci un entrevista cu ne for di Los Angeles, California riba su bida. Henriquez algun aña atras, tabata na Aruba pa estreno di un pelicula cu protagonista, Maria Conchita Alonso tambe.l
Follow NoticiaCla
