E poblacion Hulandes a crece menos rapido: Awor Hulanda tin 17.98 miyon hende

AMSTERDAM - E poblacion Hulandes a crece menos rapido den e prome mitar di e aña aki cu un aña prome. E cantidad di habitante a crese cu 39.000 hende pa 17.98 miyon habitante, segun cifranan provisional di Oficina Central di Estadistica (CBS). Aña pasa e poblacion a crece cu mas cu 52.000 hende den e prome seis lunanan.

E crecemento a nivela, parcialmente pasobra 11.000 hende menos a bin Hulanda. Mas hende tambe a muri (mas cu 88.000) cu a nace (81.000).

Segun Estadistica Hulanda, e crecemento cu si a sosode den e prome mita di e aña aki, cu 39.000 persona, ta “completamente debi na migracion di exterior”. Mayoria di e imigrantenan a bini di paisnan Europeo. Pero hopi Europeo tambe a sali atrobe, nan ta e grupo mas grandi entre e emigrantenan. Ademas, hendenan a bini principalmente for di Siria, Ukrania, Turkia i Suráfrika.

MAS BABY

Aunke mas hende a muri cu a nace, e cantidat di baby a aumenta den e prome mitar di e aña aki. Casi mil mucha mas a nace cu den e mesun periodo aña pasa.

Den añanan recien, hende muhe a haña menos yiu. Na 2010 e promedio tabata 1.8 yiu pa hende muher, na 2023 esaki lo tabata 1.4 pa hende muher. Segun Estadistica Hulanda, e cantidad aki ta bahando bao di tur grupo den e poblacion.