Biden ta boga pa cambio den Corte Supremo: ‘Ningun hende ta riba ley’

WASHINGTON - Presidente Joe Biden kier reforma e Corte Supremo di Merca. Den un carta na Washington Post y durante un discurso   na Austin, Texas, e ta declara cu mester preveni posibel abuso di poder di parti di presidentenan. Tambe e kier pa e confianza den e sistema hudicial wordo restaura.

Corte Supremo, e organo huridico mas halto na Merca cu ta test leynan i desicionnan contra di Constitucion, ta bau presion pa algun tempo.

Biden ta sostene cu Merca a wordo funda riba e maximo cu niun hende no ta riba leyi, pero despues di un sentencia di Corte Supremo di 1 di juli, e presidente ta inmuun di mayoria di e actonan cu e ta haci den ofisina. E organo huridico mas halto ta bisa cu un presidente ta gosa di inmunidad pa “actonan oficial” durante su periodo di gobernacion y cu esaki no ta conta pa “actonan no oficial”.

TRES CAMBIO

Biden kier haci tres cambio na Corte Supremo. Prome, e ta propone un amienda di “ningun hende ta riba ley” na e Constitucion, cu lo establece cu presidentenan no ta inmuun di nan accionnan den funcion. Biden ta di acuerdo cu e fundadonan di e pais: “Nos ta un pais di ley, no di reinan of dictadornan.”

Pero cambia e constitucion no ta facil. Esaki ta rekeri un mayoria di dos tercera parti den tanto e Camara di Representantenan como den Senado. Despues di esei, 38 estado tambe mester bai di acuerdo cune.

LIMITE DI TERMINO

Biden tambe ta kere cu huesnan di Corte Supremo mester tin un límite di periodo di 18 aña. Awor nan ta nombra pa bida. Biden ta scirbi ku un límite di termino asina mester stroba un solo presidencia di cambia radicalmente e color politico di e Corte pa generashonnan completo.

Trump a nombra tres hues conservativo na Corte Supremo den su prome y unico periodo. Biden ta yama algun di nan declarashonnan peligroso i extremo, manera kita e derecho nacional riba aborto.