Protesta na Turkia pa ley nobo cu ta preveni cachonan di cana riba caya

ANKARA - Parlamento Turco a aproba un ley nobo pa preveni cachonan di cana riba caya. Amantenan di bestia tin miedo pa e destino di miyones di cacho. Nan tin simannan ta demostrando den ciudadnan grandi.

Na Istanbul, tin hende manera Vural den mayoria bario cu ta preocupa pa e cacho. E bestianan por bai tambe na carnisero i supermercado cu ta laga cuminda pa nan na final di dia. Hopi tienda tin baki di awa pa pushi i cacho na porta. Doñonan ta laga e bestianan drenta regularmente durante e zomer cayente, pa nan por haña un tiki friamento for di e airco.

Pues tabatin un polemica mesora ora cu e proyecto di ley a wordo publica pa medionan di comunicacion dos luna pasa. E plan tabata pa gara tur cacho di caya y cera nan den shelter. Nan lo mester a wordo adopta einan denter di un luna sino lo ricibi un injeccion.

Opositornan di e ley ta teme cu cera miyones di cacho lo conduci na e matamento masal di e bestianan pasobra no tin sufisiente refugio. Borchinan di protesta pues tabata bisa entre otro: ‘Stop e asesinato masal’.

4 MIYON CACHO DI CAYA

Un calculacion di 4 miyon cacho ta biba libremente riba caya na Turkia. Particularmente den stadnan grandi, pero tambe den c unucu. Mescos cu pushi straño, e cacho ta wordo stima pa e poblashon. Den e hardinnan banda di Hagia Sophia y e Moskee Blou, e mesun cacho semper ta drumi den solo. Nan ta parti di e escena di kaya.

Pero e poblacion a crece considerablemente e ultimo añanan y na algun lugar nan ta causa problema. Hendenan a wordo ataca y  accidentenan di auto a sosode. E incidentenan ey a wordo engrandese den medionan di comunikashon pro-gobierno turko den e ultimo lunanan. Videonan di cacho ta ataca mucha a bira viral.

“Nos tin un problema di cacho di caya”, presidente Erdogan a bisa mas tempran den Parlamento. “Nan ta ataca mucha, hende grandi y otro bestianan. Nos lo haci nos cayanan mas sigur cu e ley aki.”

Amigo di cacho Mine Vural no ta nenga cu tin problema. “Esei ta pasobra nan no ta wordo cuida, of ta wordo persiguí pa hende. Pero sera nan òf mata nan? Esei ta un solushon inhumano.”

MULTA PA LAXIDAD DI MUNICIPIONAN

E lei anterior en realidad tabata protehá cacho di caya. E gemeente mester a gara cachonan di caya, sterilisa nan, vacuna nan y debolbe nan na unda nan a wordo haya. Den practica, esaki no ta sosodé sufisiente, segun Ozlem Gurel di e Federashon pa Derechonan di Animal. “Nos a bin ta boga pa añanan cu mester hasi mas. Municipionan no a hasi nan trabou i e cacho awor ta risibí un sentencia di morto pa esei.”

E muncipio di Istanbul, caminda oposishon ta na poder, a bisa caba ku nan lo no coopera pa kita e cacho for di kaya. E ley nobo ta bisa tambe cu alcaldenan cu no cumpli cu e reglanan por haya un castigo di prison.