Vuelonan na Merca ainda no ta ok debi na di Crowdstrike

MIAMI - Aerolineanan na Merca ainda ta hayando problema pa restaura nan orario di vuelo tres dia despues di e interupcion di Crowdstrike. Aruba tabatin efecto minimal, cu algun buelo for di Hulanda so diabierna. 

E cantidad total di canselacion di buelonan denter, pa of for di Merca ayera a alcansa casi 1.500, AP ta informá, basa riba un compania cu ta analisa dato di aviacion. Delta y United Airlines tabatin mas tanto canselacion.

E CEO di Delta, Ed Bastian, a bisa den un mensahe na clientenan cu ainda e vuelonan ta wordo cancela mientras e aerolinea ta purba di restaura su sistemanan. El a bisa ku Delta a cancela un total di mas cu 3.500 buelo como resultado di e interupshon.

“E problema di tecnologia a sosode durante e fin di siman di biahe mas druk di zomer, ora nos buelonan tabata mas cu 90 porshento yen, hasiendo difícil pa acomoda hende riba otro buelonan,” Bastian a skirbi. “Mi ke pidi despensa na tur hende afekta pa e susesonan aki.”

Minister di Transporte Mericano Buttigieg a papia cu Bastian diadomingo riba e cantidad halto di cancelacion di e aerolinea desde diabierna ultimo. Departamento di Transporte a enfatisa na Delta cu ta obliga pa duna restitucion na pasaheronan cu nan buelonan a keda cancela i cu no ke wordo cambia pa un buelo mas laat.