- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
- Director di SETAR, Roland Croes ta invitado di Noticiacla LIVE awe nochi
- Liberalnan Canades ta gana eleccion, danki na Trump
- Pleito interno den OM di Aruba, posibel motibo cu caso Holloway no a keda soluciona
Fuentenan politico ta sigura cu Joe Biden ta retira su candidatura pa presidencia e weekend aki
WASHINGTON — Varios fuente politico Mericano ta relata diabierna cu e fin di siman aki, presidente Mericano Joe Biden por y lo retira su candidatura pa un di dos termino pa ta presidente di Merca. Nan ta mustra cu e mundo político di Biden ta den cai den otro. Aliadonan mas haltu a yam’é sea publicamente of priva pa e ‘hala un banda’. Donacionnan grandi a stop. Recaudacion di fondo di base no ta sigui cu e exigencanan di un campaña cu mester aumenta agresivo tres luna prome cu e eleccion presidencial. Miembronan di su mes esfuerso di reeleccion a declara caba cu e no tin caminda pa viktoria.
Desde cu un debate desastroso na Atlanta a cambia e trayectoria di su campaña tres siman pasa, Biden a purba bes tras bes di coba aden, contra esfuersonan pa kit’e for di poder.
Pero awor tin un sentido palpabel cu e tereno a cambia bou di dje, segun cinko persona cu conosemento di e situacion, hasta entre algun di e patrocinadonan interno mas desafiante di e presidente cu awor ta kere cu e scirbimento ta ‘riba muraya’.
“Nos ta cerca di e fin,” un persona cerca di Biden a bisa.
E persona ey, cu anteriormente a duda cu Biden lo a bai un banda, a reconoce cu ainda ta e desicion di e presidente pero a join e array di aliadonan di Biden cu ta bisa cu e ta yegando un punto di no regreso.
Segun cu e susesonan extraordinario a desaroya, e presidente a test positivo pa Covid diarason y a retira na su cas di vacantie na Rehoboth Beach, Delaware, kitando e for di e caminda di campaña.
Tambe diarason, Rep. Adam Schiff, kende ta core pa Senado na California, a hasi un yamada publico remarcabel pa e presidente bandona e nominacion, un movecion cu a caba di expone cu otro lidernan Democratico — incluyendo Rep. Hakeem Jeffries i Nancy Pelosi, i Sen. Chuck Schumer — a trece preocupacionnan grave, sostene pa encuesta, na e presidente indicando cu e ta risca di kita control di Congreso kune si e keda riba e mesun caminda.
Liberalnan Canades ta gana eleccion, danki na Trump
OTTAWA - Partido Liberal di prome minister Mark Carney a gana e eleccion di Canada. No ta cla ainda si e liberalnan a logra un mayoria absoluto den parlamento. Pa logra esaki e partido mester obtene 172 di e 343 asientonan. Carney a reclama e victoria di eleccion den un discurso. El a bisa cu e ta ansioso pa traha cu tur partido den Parlamento. Poco prome cu su discurso, e lider di e partido Pierre Poilievre di e Partido Conservador, principal competidor di e Liberalnan, a admiti derota.
SWI: Amnestia Internacional ta culpa Aruba di no trata solicitantenan Venezolano pa asilo corectamente
DEN HAAG - Amnestia Internacional (AI) a denuncia diamars awor cu gobierno Hulandes cu ta inclui un mayoria di e derecha radical, a propone medidanan pa restringi e posicion procedural y asistencia huridico di solicitantenan di asilo como parti di un pakete mas amplio dirigi riba enforsamento di e politica di asilo na Hulanda. Tambe el a critica e hecho cu na Aruba, parti di Reino Hulandes, solicitantenan di asilo Venezolano, incluyendo muchanan, “no tabata tin acceso na proceduranan di asilo husto y efectivo.” Asina e portal swiss info ta raporta. Riba e portal di Amnesty International mes, no ta mira e raporta aki si. E articulo riba e portal suizo, ta mas enfoca riba e situacion Hulandes, pero remarcablemente a haci mencion di Aruba tambe den e articulo aki, aunke no ta bay den detayes di e caso.
Conclave pa eligi Papa nobo ta cuminsa dia 7 di mei
VATICANO - Vaticano a dicidi cu e conclave pa eligi un Papa nobo lo cuminza dia 7 di mei proximo E fecha a worde fiha awe durante un reunion cera di cardenalnan na Vaticano.
Aruba entre e 10 miho playanan di mundo atrobe
MIAMI - Portugal, Italia, Spaña, Merka, Seychelles, Australia, Aruba i Cuba ta ‘fiha’ entre e playanan mas imprecihonante na mundo cu beyesa natural elogia y awanan cristal cla. Asina e portal travel and tour world ta raporta dialuna.
‘Papa di pueblo’ Francisco dera despues di misa di entiero na Ciudad Vaticano
CIUDAD VATICANO - Papa Francisco ta dera den e Basilica di Santa Maria Maggiore na Roma. Mas tempran den dia, e misa di entiero a wordo teni na Plaza San Pedro na Ciudad di Vaticano.
Ex-presidente di Brazil encarcela pa corupcion y labamento di placa
BRASILIA - Ex presidente Brasileño Fernando Collor de Mello a wordo deteni awe. Corte Supremo a dicta ayera cu mesora e mester cuminsa sinta su castigo di prizon pendiente pa motibo di corupcion.
Follow NoticiaCla
