Na Corsou, ya e prome pareha di mesun sexo duna man na Kranshi (Censo)

WILLEMSTAD  – Mesora despues di veredikto di Kasashon, ayera mes e promé pareha di mesun sekso a duna man na Kranshi.

Un veredikto ku pa hopi tempu ta pendiente pa bira konosí ta e veredikto ku ayera Korte Den kasashon a dikta, relashoná ku matrimonio entre di personanan di mesun sekso.

Un proseso hudisial largu ku a start algun aña tras di lomba, ora ku un pareha di mesun sekso a bai Kranshi pa kasa i nan a keda rechasá a base di leinan ankrá den Konstitushon aki na Kòrsou. Nos leinan ta bisa ku matrimonio den un forma legal por solamente entre di dos persona di diferente sekso.

Korte den Promé Instansia a duna e pareha rason, pero Gobièrnu ta apelá esaki i den Korte Superior (apelashon) tambe ta duna e pareha rason i aki Gobièrnu a apelá na Kasashon (Korte Supremo) i ayera tabatin veredikto.

Korte Supremo ta deklará ku den e kaso di matrimonio denter personanan di mesun sekso mester konsiderá dos interes, e interes ku por ofresé protekshon legal efektivo na esnan ku ta envolví direktamente i e interes ku Korte ta mustra pa intervení den un akuerdo legal.

Den e kaso aki, ta diskriminatorio pa motibu di orientashon seksual ta stroba esnan envolví den libertat pa organisá nan bida personal. Nan tin un interes primordial den eliminashon di diskriminashon mas lihé posibel. Ademas, mirando e défisit legal, wes ta intervení den un ordenansa nashonal. Korte  mester tin su reserva den e sentido aki, den e kaso aki ku primeramente pa legislador apliká e ordenansa nashonal. Den prinsipio e legislador tambe ta mas ekipá ku e korte pa evaluá ki regla ta nesesario pa eliminá diskriminashon. Den un demokrasia, e paso di e proseso legislativo, por parti via partisipashon di Parlamento, ta di gran importansia, spesialmente ora ta trata di tópikonan sosialmente delikado.

Korte Supremo ta konsiderá ku den e kaso aki, Korte por disidí di habri matrimonio na personanan di mesun sekso. Korte a tuma na kuenta, entre otro, ku e défisit legal ta eksistí pa hopi tempu kaba i ku intervenshon hudisial no ta téknikamente kompliká i ku e forma ku matrimonio mester wòrdu habrí pa personanan di mesun sekso no mester dependé di opshonnan polítiko nobo ku ta wòrdu tumá.

Paisnan no a logra konvensé e tribunal den Kasashon lo kontrario. Ademas, korte a konsiderá e importansia di moderashon hudisial relashoná ku legislashon. E tribunal ta haña ku den e kaso aki ta importante pa duna protekshon efektivo direktamente na e interesadonan.

Esaki ta trese kuné ku e sentensia di Korte Supremo ta nifiká ku e sentensianan di korte komun ta definitivo i Kòrsou komo Aruba matrimonio ta habrí pa personanan di mesun sekso. NOTA: Texto ta scirbi den Papiamento fonetico di Corsou.