Biden den discurso nacional: ‘Politica no mester bira un campo di bataya literal’.

WASHINGTON - Presidente Mericano Biden a bolbe pidi union y pa “baha e temperatura den nos politica” despues di e atake riba ex presidente Mericano Donald Trump. For di e Oficina Oval diadomingo anochi, Biden a dirigí su mes na e pueblo Mericano den un discurso di video. “Mi ke papia cu boso awe nochi tocante e necesidad pa baha e temperatura den nos política,” el a cuminsa su discurso. “I pa corda cu ora nos no ta di acuerdo, nos no ta enemigo, pero bisiña, coleganan, ciudadanonan y – mas importante – compañeronan Merikano. Nos mester traha hunto.”