Fanaticonan a kibra portanan na Hard Rock Stadium, causando tardansa den comienso di final di Copa America

MIAMI- Fanaticonan ta core e portanan prome cu e partido di Final di Copa America entre Argentina y Colombia den Hard Rock Stadium. E pasion di e fanaticonan Argentino i Colombiano pa nan teamnan nashonal di futbol tabata palpabel hopi prome cu e inisio di e final di Copa America na Hard Rock Stadium diadumingo anochi, pero algun fanatico tabata asina desespera pa drenta, ku nan a invadí portanan y a kibra seguridad, forsando polis pa cera e entradanan temporalmente. Kickoff a wordo pospone for di 8 p.m. pa 9:15 p.m. como resultado, como cu miles di fanatico tabata pega pafo di e portanan, wardando pa drenta. Na dado momento, cu un preocupacion cresiente pa un potencial stampede cu por a herida fanaticonan, gerencia di stadion, CONMEBOL y e Departamento di Polis di Miami Dade a conferí y a disidí di habri e portanan i laga hende drenta sin controla carchi.