Luydens: Pronto Censo por cuminsa inscribi parehanan di mesun sexo pa casa

ORANJESTAD – Dentro di algun siman, conforme declaracion di director di Censo di Aruba Sharin Luydens, parehanan di mesun sexo por cuminsa inscribi pa casa na Aruba. Prome cu esey, mester haci algun adaptacion na e sistema.  ‘E aanpassing ta bezig ta wordo gepland aworaki” Luydens a sigui bisa. Contrario na pensamento cu tin, basa riba e veredicto di awe mainta di Hof, no mester cambia ningun ley of introduci otro ley pa por casa pareha di mesun sexo. “E proceso lo ta mesun cos cu parehanan hetero”, Luydens a sigui bisa. Como tal e ta bay mucho mas lihe cu a pensa. 

NO TIN LUGAR

Di otro banda, e parehanan di mesun sexo, tin cu warda toch un tempo prome cu nan por bisa otro ‘si’. E problema ta, cu no tin lugar aworaki (pa casa). ”Awor e ondertrouw (inscribi pa casa pa Censo) ta core te den oktober dus ta conta pa pareha di mesun sexo tambe”, e hefe di Censo a bisa. Esey kier men cu ni maske nan (incluyendo parehanan di mesun sexo) kier, niun hende, ni hetero ni homo, no por casa prome cu oktober, pasobra simplemente no tin lugar.