- ATA: E mercado di Brazil ta sigui crece: 91% te cu Mei 2025
- Entrenamento forense di CARICOM ta fortalece e lucha contra crimen cu arma di candela den Caribe
- Turismo for di Latino America creciendo den aña 2025
- Iran ta lansa contra-atake ‘cu por lo menos 100 drone’ despues di ofensiva di Israel
- Jeon ta kibra silencio riba impasse cu Kenley Jansen
Abogado David Kock a habri oficina na Hulanda: Meijer David Kock
DEN HAAG - Diabierna, 5 di juli ultimo a tuma luga apertura di oficina di abogado Meijer David Kock na municipio di Den Haag. Señora Kaushilya Budhu Lall, partner di su bufete a inicia e apertura cu su discurso unda e la duna di conoce cu abogado David Kock a aserca su casa Meijer pa un caso na Hulanda. Despues di esaki nan ta cumpli 20 aña di amistad. Lamentablemente 4 aña pasa su casa a fayece. Na e ocasión aki tambe tabata presente embahador di Suriname mr. Rajendre Khargi y Ministro Plenipotenciario di Aruba, mr. Juan Thijsen.
E tabata un atardi placentero, na unda mr. Thijsen tambe a duna su discurso unda e la felicita e dos bufete di abogado cu a uni pa bin cu un solo nomber. Señor Thijsen a sigi bisa cu e ta contento cu nos yuinan di tera tin e voluntad, forsa y perseverancia pa tambe expande nan compania den exterior.
Minister Plenipotenciario a splica cu e conoce abogado David Kock prome cu e la drenta política. Señor Thijsen tabata traha na Vakbond FTA, como consehero jurídico. E tempo ey abogado Kock tabata traha pa abogado Swaen, cu tabata e bufete di abogado pa FTA. Después cu Thijsen mes a bira abogado y cuminsa traha na bufete dí abogado Van der Kuyp el a bira colega di abogado David Kock.
Señor Thijsen a sigi splika cu como parlamentario mi a topa atrobe cu David den un diferente rol como miembro di Raad di Advies y después cu e la bira Ministro Plenipotenciario y representante pa Aruba na Europa Uni, David a bira presidente di Raad di Advies.
Minister Plenipotenciario Thijsen a duna un palabra di elogio na abogado Abogado Kock, ya cu e ta un ehempel pa nos hoben nan. Tambe un bon abogado, presidente di Raad di Advies y principalmente un bon persona y un excelente empresario. Abogado Kock ta traha cu diferente socio den exterior manera Colombia, Miami y awor na Hulanda. Banda di su trabou pisa a haya tempo pa cuminsa na Alto Vista un Winery cu a bira un atracción turístico y pa nos Arubiano cu ta amante di biña.
Minister Plenipotenciario, señor Thijsen a desea tanto abogado Meijer y abogado David Kock tur clase di éxito.
Eddie van Marum ta reemplasa Szabó como secretario di estado pa asuntonan di Reino
DEN HAAG – Aruba, y e otro islanan di Reino Hulandes tin un cu bai atende awor cu un otro persona (atrobe), despues cu e gabinete Schoof a cay na Hulanda. Despues cu gabinete Schoof a cay, y e secretario di estado e momento ey Zsolt Szabó a retira mesora, e minister cu e cartera di Reino Judith Uitermark, a tuma e encargo temporalmente. Pero awe a bira conoci cu e gabinete demisionario a yega na un acuerdo pa loke ta e reparticion nobo di carteranan cu tabata den man di e partido cu a bandona e gabinete, esta partido PVV.
Minister Gerlien Croes a topa cu studiantenan di Aruba na Hulanda
DEN HAAG – Minister di Relacionan di Reino Gerlien Croes a topa cu un grupo di 50 studiantenan di Aruba na Hulanda e siman aki. E mandatario ta na Aruba pa un bishita cortico. E reunion tabata tambe mirando cu e ta tambe minister di enseñansa.
No tin trein di NS henter na Hulanda awe pa motibo di welga
AMSTERDAM – Debi na un welga di personal, no tin trein di Nederlands Spoorwegen (NS) ta core den casi henter e pais awe. E welga a cuminsa 4’or di marduga y lo dura te mañan mainta trempan. Solamente entre Amsterdam y Schiphol, un sprinter ta core cuater biaha pa ora den ambos direccion.
Fecha definitivo pa eleccion na Hulanda ta conoci!
DEN HAAG - E eleccionnan di Tweede Kamer ta definitivamente riba diarason 29 di oktober proximo. E gabinete hulandes ta adoptando e consehonan di Conseho Electoral. “Bo ta mira cu cosnan tin biaha ta bay mas lihe den exterior”, segun cuidador Minister Uitermark di Interior. "Pero bo no por compara esaki cu esey. Na Hulanda, por ehempel, nos ta kere cu ta importante cu hendenan cu ta biba den exterior tambe por vota. Y cu partidonan politico nobo ta haya e oportunidad pa inscribi."
Conseho electoral a propone eleccion na Hulanda pa 29 di october
DEN HAAG - Conseho Electoral ta conseha e gabinete saliente pa tene e eleccionnan parlamentario diaranson 29 di october. Tweede Kamer a tuma un mocion awe tardi pa organisa eleccionnan mas lihe posibel. Esey tabata despues di e debate tocante e caida di gobierno. Ora di scoge e fecha, Conseho Electoral ta tene cuenta cu diferente interes y disposicionnan legal. Organisando eleccionnan ta rekeri hopi di municipionan y e boluntarionan cu mester pa esaki. Municipionan mester di tempo pa por organisa eleccionnan cuidadosamente. “Pensa riba reclutamento y entrena suficiente boluntario y busca suficiente luganan di votacion adecua”, segun Wim Kujken, presidente di e Conseho di Kin. “Pa votadornan den exterior mester tin suficiente tempo pa inscribi y ricibi un aventura di carta na tempo”.
Minister Uitermark ta reemplasa secretario di estado Szabó per direct
DEN HAAG – Minister di relacionan Interior y Asuntonan di Reino Judith Uitermark (NSC) ta tuma e cartera di secretario di estado Zsolt Szabó over. Asina minister president demisionario hulandes Dick Schoof a bisa diamars despues di a entrega retiro di su gabinete na Rey Willem-Alexander. Szabó a gradici pa su funcion y a lamenta cu e mester a retira asina. No ta conoci cuanto efecto e cambio di cartera lo tin pa Aruba y e demas islanan hulandes den Caribe. Loke lo no cambia ta e taza di interes riba e pago di debe di Covid cu Aruba tin cu paga Hulanda na luna di october proximo.
Follow NoticiaCla
