- Minister Hulandes di Husticia van Weel a bishita wardanan di polis na Aruba awe
- Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
- Veldkamp: Hulanda lo actua contra Venezuela despues di expulsion di diplomaticonan
- Feco Gomez(AMAK): Arubianonan ta participa atrobe den festival di Tumba di Corsou
- Zoetrum (CTB): Corsou tin un sin fin di actividad pa Arubianonan den 2025
Victima di accidente di trafico fatal identifica: Dariana de La Rosa a bira di 7 morto di trafico
PALM BEACH – E dama hoben di e accidente di trafico fatal awe marduga a keda identifica. Polis diadomingo atardi a informa cu ta trata aki di Dariana I. Heredia De La Rosa (17) di Republica Dominicana. E la bira e di 7 morto di trafico diadomingo marduga. Ora cu e accidente a keda raporta y trata, ainda polis no tabatin informacion di ken e persona tabata.
E ACCIDENTE
Tabata diadomingo pa mas o menos 2:50 marduga cu Central di Polis a wordo notifica door un unidad di polis cu un rato prome un skyline color shinishi lo a casi dal frontal den nan.
AUTO TOTAL LOSS
Nan a bira pa bay atende cu e chauffeur di auto pero a perde for di bista. Un rato despues ta topa cu e auto accidenta den bocht di Tierra del Sol. Na yeganda di e unidad ta topa cu e skyline shinishi banda di caminda, total loss.
VICTIMA
Na e sitio di e sucedido a pidi ambulance cu maximo urgencia mirando cu e mucha muher cu ta pasahero den e auto no ta reacionando.
Ambulance a yega na e sitio pero no por a haci nada mas pa e mucha muher. E momento ey, mirando cu no a haya ningun forma di identificacion di e dama, polis a haci un apelacion na famia of conoci cu ta sinti falta di nan ser keri, un mucha muhe hoben pa tuma contacto cu Central di Polis na number di telefoon 100.
CHAUFFEUR DETENI
E chauffeur di e skyline a keda deteni pa mas investigacion. Specialista di Trafico a presenta na e sitio como tambe polis technico y docter forensico pa haci nan investigacion. Departamento di Slachtofferhulp tambe tabata presente pa brinda sosten.
Noticiacla y Cuerpo Policial ta manda palabra di condolencia na famia di e fayecido.
Minister Hulandes di Husticia van Weel a bishita wardanan di polis na Aruba awe
Polis a detene 8 chauffeur pa maneha bao influencia di alcohol
ORANJESTAD - Departamento di Trafico y Unidad Motorisa a haci control prome durante y despues di Parada di Flambeu. Departamento di Trafico a controla na comienso di e Parada di Flambeu pa loke ta trata e papelnan di auto como tambe rijbewijs valido. Unidad Motorisa a haci controla na diferente camindanan strategico durante parada. Total a detene 8 chauffeur pa maneha bao di influencia di alcohol. Di cual 3 a perde nan rijbewijs. Aña 2024 a conta cu 11 detecion pa loke ta maneha bao influencia di alcohol. Dus un rebaho tambe pa loke ta control despues di parada di Flambeu. Controlanan lo continua durante e otro paradanan nos dilanti. Cuerpo Policial ta haci un apelacion un biaha mas pa no maneha auto bao influencia di alcohol. Usa Bo Amigo Responsabel
KPA: Publico durante parada di Flambeu a comporta miho cu 2024! Zero detencion
ORANJESTAD – E comportacion di publico diasabra anochi durante e parada di flambeu a mehora compara cu 2024. Polis a raporta cu tabatin zero (0) detencion, compara cu 2024, unda cu tabatin 8. Diasabra anochi pa exactamente 8:01 pm di anochi e parada di Flambeu a start sali for di dilanti ex-Kooyman na Avenido Milio Croes.
Pa di dos biaha caba den 2025 a detene homber cu droga na aeropuerto
Polis a detene homber y confisca hopi droga durante entrada hudicial
Polis ta condena bullying pero no ta esun cu ta persigui
ORANJESTAD – Polis ta condena tanto agresion fisico, pero tambe bullying. Pero Polis no ta esun cu ta persigui hende. Ayera nochi den e programa Noticiacla LIVE, Alto Comisario di polis Ramon Arnhem, a toca e tema riba pregunta di e moderador Tito Laclé. Esaki pasobra tabatin e percepcion cu polis ta condena solamente agresion fisico, pero ta bira cara ora ta trata bullying. Y e tema tabata basa riba e incidente cu a tuma lugar ora cu recientemente un reportero a keda agredi pa un ciudadano, yiu di un ex minister. Click AKI pa wak e video.
Follow NoticiaCla
