BCA ta lansa encuesta nacional tocante alfabetismo financiero

BCA ta lansa encuesta nacional tocante alfabetismo financiero

Posted on 07/5/2024 10:14 am AST | Updated on 07/5/2024 10:16 am AST

ORANJESTAD - Alfabetismo financiero ta crucial pa promove inclusion financiero, cual a lo largo ta conduci na bienestar financiero y desaroyo sostenibel. Banco Central di Aruba (BCA) lo tene un encuesta digital tocante alfabetismo financiero durante di e periodo di 8 di Juli te cu 28 di Juli 2024.

E meta di e encuesta aki ta pa adkiri informacion valioso tocante conocemento, actitud, y comportacion financiero di individuonan. E data obteni lo yuda BCA determina maneho pa fomenta inclusion financiero na Aruba. 

BCA ta consciente cu un parti di e informacion aki por ta sensitivo. Pesey, BCA ta enfatisa cu e encuesta ta totalmente anonimo y ta garantisa cu tur informacion obteni lo wordo trata confidencialmente y usa solamente pa metanan estadistico y den mehoracion di maneho. 

BCA ta spera cu comunidad lo coopera cu e encuesta importante aki. Si tin cualkier pregunta ariba e topico aki, por tuma contacto cu Sra. Elmelynn Croes, Senior Economist na Research Department di BCA, na (297) 525-2230 of via email na [email protected].

  • Royal Caribbean Cruise Lines ta premira aumento di 20% di pasahero pa Aruba den 2025

    Royal Caribbean Cruise Lines ta premira aumento di 20% di pasahero pa Aruba den 2025

    MIAMI – Diaranzon mainta un delegacion di Aruba cu ta consisti di minister Dangui Oduber, consehero sr. Albert Thielman, CEO di Aruba Tourism Authority sra. Ronella Croes, Chairman di Board di Aruba Ports Authority sr. David Dubero y tambe sr. Mario Arends commercial manager di APA a reuni cu ehecutivonan di Royal Caribbean Cruise Lines.

  • Gremionan kier claridad riba acuerdo cu Eagle LNG

    Gremionan kier claridad riba acuerdo cu Eagle LNG

    ORANJESTAD – Reciencemente cuater gremio comercial di Aruba a manda un carta pa minister di Energia Glenbert Croes, pidiendo claridad riba e contracto cu gobierno tin cu Eagle LNG. Manera ta conoci, ta algun aña pasa cu gobierno a firma un acuerdo cu e compania pero despues no a tende nada mas. Luna pasa gobierno a informa cu siguransa cu e proyecto cu Eagle LNG ta continua. Mas informacion no a duna. Mientrastanto tin un documento riba maneho di energia cu e gremionan a haya pa wak. 

  • ATA: Mercado di turismo Europeo ta sigui hopi chikito compara cu Merca

    ATA: Mercado di turismo Europeo ta sigui hopi chikito compara cu Merca

    ORANJESTAD - Te cu juni 2024, Aruba a ricibi un total di 737,691 bishitante “stayover”, esaki ta un crecemento di 19% compara te cu juni 2023, unda a ricibi 619,719 bishitante “stayover”. Ora ta yega na lider den mercado, te cu juni 2024, 81.6% di e bishitantenan ta di Norte America, 4.5% ta di Europa, 11.6% ta di Latino America, y 2.3% tawata procedente di otro partinan di mundo.

  • A.T.A.: Mercado di crucero luhoso a shift pa Generacion X y Millenials

    A.T.A.: Mercado di crucero luhoso a shift pa Generacion X y Millenials

    ORANJESTAD - Entre december 2023 cu maart 2024, Aruba Tourism Authority (A.T.A) a conduci un estudio encuanto e mercado di ‘Luxury Cruise’. A encarga PFK Hospitality pa cu e analisis aki. E estudio a elabora riba tendencia y demanda di e industria cu ta pronostica un crecemento for di 6.08 biyon na aña 2022 pa 14.13 biyon na aña 2029. Un pronostico di crecemento anual di 12.8% cu ta subraya e demanda pa un experiencia personalisa y di balor halto cual ta señala un cambio pivotal den e industria aki cu un shift pa luho y exclusividad.

  • LATAM Airlines ta expande conexion cu Aruba cu mas frecuencia di vuelo

    LATAM Airlines ta expande conexion cu Aruba cu mas frecuencia di vuelo

    ORANJESTAD- Cu masha orguyo Aeropuerto di Aruba ta anuncia aerolinea LATAM su decision pa impulsa su servicio directo entre Lima (LIM) y Aruba (AUA), cuminsando desde october 2024. E desaroyo aki ta marca un logro importante pa cu e esfuersonan continuo di Aeropuerto di Aruba pa mehora e conexion y satisface e demanda creciente di biahe pa y for di Latino America. 

  • Spicy Nuggets ta keda fiho riba e menu regular di Wendy’s

    Spicy Nuggets ta keda fiho riba e menu regular di Wendy’s
  • Powered by SETAR