Meteorologonan ta pronostica e yegada di un fenomeno di clima preocupante na Latino America

GINEBRA- Latino America ta den alerta pa e posibel yegada di e fenomeno di La Niña, cu por trece cune lunanan di variabilidad climatico halto, segun expertonan cu recientemente a reuni na sede di Organisacion Meteorologico Mundial (WMO) na Ginebra. E fenomeno aki, caracterisa pa periodonan sumamente seco i muha alterna, ta menasa di replica e securanan devastador experencia entre 2020 i 2023 den zuid di e region.

José Luis Stella, di e Centro Regional di Clima pa sur di Sur America, a expresa preocupacion tocante e velosidad i extremidad di e cambionan di clima actual. “Nos ta bini di tres aña di un La Niña prolongá cu a trece securanan extremo, historico, cu impacto grandi i despues un transicion rapido pa e fenomeno di El Niño,” el a splica. “Awor nos ta enfrenta e transicion pa La Niña atrobe, no solamente cu weer extremo, pero tambe cu variabilidad hopi extremo i rapido.”

La Niña ta parti di e fenomeno di clima conosí como e Osilacion El Niño-Zuid (ENSO), cu ta enceravariacionnan den temperaturanan den e regionnan central i oriental di e Oceano  

UN TEMPORADA ACTIVO DI HORCAN TA YEGANDO

Den Caribe, e situacion ta particularmente alarmante. E Organisacion Meteorologico Mundial (WMO) a enfoca riba horcan Beryl, cu recientemente a yega categoria cinco, e maximo riba e escala di horcan, y ta bayendo direccion Jamaica. E fenomeno aki ta marca un logro pa e region, manera a destaca pa Rodney Martínez, representante di WMO pa Noord i Centro America i Caribe, kende ta adverti di un temporada “hopi peligroso”.

Desde cu e registronan a cuminsa, un fenomeno di e tipo di intensidad maximo aki nunca no a sosode na e tempo aki di aña den Atlántico, pues Beryl ta pone un “precedente alarmante,” autoridadnan di e organisacion a bisa.

Sinembargo, Karina Hernández di e Instituto Meteorologico Nacional di Costa Rica ta duna un perspectiva mas matisa. Mientras e ta reconose e aumento den actividad di orcan, e ta señala cu ainda no tin consenso regional riba con mas activo e temporada lo ta compara cu añanan anterior.

“Temperaturanan tabata cayente i ta keda cayente den tanto Laman Caribe como den Atlantico. Pa loke ta e temporada di horcan, e ta wordo considera mas activo cu normal. Cuanto mas activo, ainda nos no tin un consenso regional”, el a splica.