Famia di Joe Biden kier e sigui den contienda electoral Presidencial

WASHINGTON – E famia di e presidente Mericano Joe Biden diadomingo a pidie pa e keda den e contienda electoral Presidencial, y no retira. Despues di e resultado di e ultimo debate presidencial siman pasa contra contrincante Donald Trump, hopi a pidi pa e retira di e careda presidencial, debi cu nan ta considera incapaz di sigui. Durante e debate e la demonstra como un persona bruha, perdi y sin un sentido real pa presenta su mes. Por lo menos dos di e corantnan mas grandi Mericano, Atlanta Journal y New York Times, publicamente a pidi pa e retira na bienestar di e pais. 

REUNION URGENTE

Durante un reunion urgente familiar diadomingo, su yiunan, nietonan, y mas famia a pidie pa e no retira, y pa e sigui bringa pa e continua como presidente di e pais. Loke tambe nan a discuti, ta si ta bay retira parti di su ekipo di campaña, pasobra hopi a tira culpa riba su ekipo electoral.