E siguiente contrincante di Hulanda den Copa Europa 2024 ta Rumania

MÜNCHEN – E seleccion nacional di futbol di Hulanda ta topa e seleccion di Rumania diamars otro siman, dia 2 di July pa 12’or di merdia ora di Aruba. Esaki a keda estableci diaranson despues cu e ekiponan cu tabata falta pa completa e lista, a topa otro. Cu e weganan hunga, e 16 di e 24 paisnan a pasa pa e siguiente buelta. Tur pais cu pasa como # 3, entre nan Hulanda, ta acopla na un ganador di grupo. Mescos cu Hulanda, Rumania a gana un wega, perde uno y empata uno y a termina na prome lugar den su grupo debi na e cantidad di gol, pasobra den e grupo tur a logra mescos, esta den cantidad di wega gana, perdi y empata.

DEBIL

Hulanda ta riba papel, ponie riba e parti swak di e schema. No riba e lista di paisan poderoso manera Spaña, Alemania, Francia, Belgica y Portugal. Pero nan ta riba e lista di paisnan manera Austria, Suiza, Italia, pues tambe Rumania y Inglatera.