Tweede Kamer ta tene audiencia politico cu miembronan di gabinete Hulandes nobo

DEN HAAG – Diahuebs awor ta cuminsa e audiencia politico pa trata e lista di minister y secretarionan di estado pa e gabinete politico nobo di Hulanda. Asina e presidente di Parlamento Hulandes (Tweede Kamer) Bosma a bisa. E audiencia ta un fenomeno politico nobo Hulandes unda cu durante e audiencia, e parlamentarionan por haci pregunta na e minister y secretarionan di estado nobo. Algun partido di oposicion a informa caba cu nan no ta participa. Ta trata di partidonan CDA, SP y SGP.