Na Hulanda, muher a keda absolvi di ta causante di accidente serio cu ex minister Hulandes

DEN HAAG – Corte a absolve e sospechoso cu a causa e accidente serio di bicicleta na ex minister Hulandes Dekker. E muher cu 2 aña pasa tabata envolvi den e accidente, no ta haya castigo pues, pasobra Corte a bisa cu no tin suficiente prueba cu e muher a gara Dekker, causando su caida di e bicicleta. Tambe no ta proba cu e no tabata cuidadoso of no a presta suficiente atencion. Ministerio Publico a exigi castigo condicional di 6 luna di prizon y 240 ora di trabou comunitario. E ex minister a resulta seriamente herida na 2022 durante e accidente y a termina 3 dia den coma despues di e accidente. E ex minister cu su pareha tabata core bicicleta y tabata baha di un ‘cero’ ora cu e muher en cuestion a haci un maniobra cu su man, pa mustra cu e ex minister tabata core mucho duro. Den e maniobra ey e lo a alcansa e ex minister causando e caida. E huez a constata cu e muher tabata cana riba e fietspad, cu no ta ilegal, y a wak dos ciclista bin riba dje. E muher a haci intento cu su manan pa e dos personanan, incluyendo e ex minister pa core menos duro. Cu e la mishi cu e ex minister, no ta su falta, segun e huez.