Ley di matrimonio pa pareha di mesun sexo a keda pega!! Parlamento a vota 10-10

Ley di matrimonio pa pareha di mesun sexo a keda pega!! Parlamento a vota 10-10

Posted on 05/8/2024 10:08 pm AST | Updated on 05/9/2024 4:42 am AST

ORANJESTAD – Despues di varios interupcion, mas bien pa falta di informacion y confusion, un total di 10 Parlamento a vota pro y 10 contra cu ta nifica cu tabatin un empate, pa cual a suspende e reunion pa e continua otro dia. Esnan cu a vota Pro, tabata e.o. Miguel Mansur A21, Misha Raymond Raiz,  Raymond Kamperveen Raiz, Marisol Tromp Mas, Aquanette Gunn – Mas, Gerlien Croes Independiente, Mervin Wyatt Ras AVP, Mike de Meza AVP, Benny Sevinger AVP, y pa partido Setty Yarzagaray MEP.  Esun cu a abstene di vota ta Shailiny Tromp-Lee. E otronan a vota contra. 

SIGUIENTE PASO

No ta conoci ki dia e ley ta keda trata di nobo, pues awor tur cos ta keda para pendiente un proximo tratamento. Tabata un dia yen di discurso, algun emocional, otronan fuerte, y otronan cu e politikeria di semper. Notable tabata e division cu tabatin den e sala durante curso di dia. Pero loke mas a tipifica e reunion, ta e cantidad di suspension y largura di esaki, pa motibo cu tabatin confusion riba con mester a maneha cierto aspecto legal di e reunion manera e conteo di voto. Pero na final, despues di oranan largo, e ley a keda pega. Awor ta keda na Corte di Cassacion pa wak kico esey ta bisa, y si na final, mester sea cambia e ley cu a pega awe, of cu por lague manera e ta, of mas pio, cambia esaki completamente debi cu loke e sentencia ta implica, ta mucho leu di loke e ley ta representa. Por click AKI pa e ley.

  • Varadero
  • Postobon
  • Powered by SETAR