- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Sint Maarten tin un gabinete nobo cu Luc Mercelina como prome minister na cabez
PHILIPSBURG .- Na Sint Maarten djabièrnè mainta a instalá gobernashon nobo, bou di liderazgo di promé minister Luc Mercelina. E kabinèt di minister no ta kompleto ainda; e prosedimentu di ‘screening’ di dos posibel minister no a terminá despues di mas ku dos luna. Partido di gobernashon PFP ta demandá klaridat tokante esaki.
Mercelina siman pasa a bisa kaba ku e prosedimentu di screening a tuma hopi mas tempu ku ta normal. Dos posibel ministernan Raeyhon Peterson (PFP) i Cristopher Emmanel (NOW) ainda no a wòrdu instalá pasobra e investigashon dor di entre otro Ministerio Públiko no a terminá ainda.
Gobernador te ainda no a duna informashon tokante e falta di aprobashon, solamente ku e dos posishon di minister lo wòrdu kubrí provishonalmente pa koleganan. Segun PFP e echo ku dos ministernan no por wòrdu instalá ta lansá skuridat riba henter seremonia. En total, djabièrnè a instalá sinku ministernan, i tambe un minister plenipotensiario i un suplente.
Dia 11 di yanüari a tene elekshon parlamentario na Sint Maarten. 48 ora despues, e partidonan URSM, PFP, DP i NOW ya tabatin un akuerdo di kooperashon. E kuater partidonan tin tur dos sitio, ku esaki nan ta tene e dos partidonan restante den parlamento (Aliansa Nashonal i Partido UP) fo’i gobernashon. Gobernador Baly a instalá: Luc Mercelina (URSM) komo promé minister enkargá ku Asuntunan General, Veronica Webster (URSM) komo minister di Salubridat Públiko, Desaroyo Sosial i Labor. Grysha Heyliger-Marten (DP) ta minister nobo di Turismo, Asuntunan Ekonómiko i Telekomunikashon. Marinka Gumbs (DP) ta minister di Finansa nobo, Lyndon Lewis (NOW) ta minister di Hustisia nobo. Patrice Gumbs (PFP) i Gracita Arrindell (URSM) a wòrdu instalá komo minister plenipotensiario i minister plenipotensiario suplente na Den Haag.
Raeyhon Peterson (PFP) te ainda ta kandidato pa bira Minister di Bibienda Popular, Planifikashon Urbano i Medio Ambiente, Christophe Emmanuel (NOW) ta kandidato pa bira minister di Edukashon, Kultura, Hubentut i Deporte. NOTA:Texto ta scirbi den Papiamento fonetico di Corsou.