Cantidad record di persona ta den Ronde van Aruba awe

SAVANETA – Un cantidad record di persona ta den Ronde van Aruba (RVA) awe. Segun informacion di e portal 297Sports, un total di 726 coredor ta subi caminda, cual por cierto ta un record. Tur e lunanan di preparacion lo keda demostra awe riba caminda unda e demas participantenan lo duna un show di coremento riba e careteranan di nos dushi isla di Aruba. Lo tin un total di 16 coredor single e aña aki, 57 duo teams cual ta e cantidad mas grandi den historia di RVA. Por ultimo e 149 estafette lo ta den e gruponan di 4 relay, pues 596 persona lo core e 72km rond di nos isla. E fiebre di Ronde van Aruba ya a wordo sinti y lo bay ta grandi awe full rond di nos isla cu hopi mirones canto di caminda. Tin varios happening prepara na e diferente post. 

AUTOMOBILISTANAN ALERTA

Un suplica na tur automobilsta pa por fabor tene cuenta cu camindanan ta bay ta super druk cu hende disfrutando y apoyando famia, amigo, conocirnan, coleganan di trabou, etc. Hopi pasenshi principalmente den oranan laat di anochi, ya cu trafico lo bay ta stagna aki aya.   Pa e automobolista ta conta e famoso dicho “Corda cu mihor bo yega 1 minuut laat cubo no yega nunca”.  NOTA: Noticiacla a haya colaboracion di 297Sports pa e texto .