Motor di avion di Albatros Airlines, tabata na candela na aeropuerto di Corsou

WILLEMSTAD – Mientras tabata prepara pa un buelo charter pa e aeroliña JetAir Caribbean na Corsou, e avion di e aeroliña Venezolano Albatros tabatin problema cu candela den un di e motornan. E incidente a sosode diaranson anochi, ora cu e avion mester a ehecuta un buelo entre islanan ABC, y tabata start su motornan. JetAir Caribbean tin basta tempo ehecutando buelonan entre e islanan, pero no tabatin hopi exito cu esaki, segun e portal Bonaire.nu ta raporta. Expertonan den e industria di aeroliña, ta preocupa pa cu e decision di CCAA pa duna JetAir permiso pa ehecuta buelo usando e aerolinea Venezolano. Nan ta mustra riba instabilidad financiero y sancionan internacional cu ta haci dificil pa e aeroliña Venezolano por haci su trabou di mantenimiento cu siguransa.