- Jeon ta kibra silencio riba impasse cu Kenley Jansen
- AHATA: Reconociendo companianan pa nan contribucion impactante na Aruba
- Wardacosta: A haya un ‘yola’ bandona na Dos Playa
- Fraccion di AVP na Ministerio Publico: Conduci bo funcion, rapido, transparente y husto
- Fundacion TUI Care ta lansa TUI Sea, e programa di cambio na Aruba
Na Corsou, un 60% di e muchanan no tin dentadura saludabel
WILLEMSTAD - Datonan preliminar ku tin na disposishon for di akshonnan den pasado ta indiká ku un 60% di muchanan aki na Kòrsou tin un dentadura ku no ta salú. Tin muchu hopi mucha i hóben ku tin djente ku buraku (caries) òf djente deformá, siendo ku nan lo por haña tratamentu pa esaki. Pero mester rekonosé tambe ku un dje problemanan fundamental ta e falta di informashon i konsientisashon. Muchu hopi hende no ta na altura ku tin un grupo di dentista registrá serka SVB, loke ta nifiká ku muchanan lo por bai kualke dentista registrá na SVB. Esei EXTRA por a komprondé durante un enkuentro ku prensa ayera ofresé pa e grupo di boluntario ku e aña aki lo bai lansa e di sinku edishon di “Un Smail pa Kòrsou”.
Sra. Denice Bezemer-Hoyer (higienista) presidente di Stichting Help Curacao, a trese dilanti ku meta di e proyekto aki ta pa hasi ofisina pa kuido dental aksesibel pa tur mucha; sòru pa esnan ku mayornan ku tin un seguro di SVB, tin nan yunan registrá i sigurá pa kuido dental; hasi mas na konsientisashon pa asina no solamente e muchanan pero nan mayornan tambe ta na altura i konsiente di un dentadura salú. Tambe e meta ta pa hasi un sondeo en e situashon aki na Kòrsou pa loke ta kuido dental bou di e grupo di 0-18 aña. A base di datonan ku a kompilá durante tur e tempu ta duna un indikashon hopi kla ku alrededor di un 60% di muchanan tin un òf otro problema. Hopi tin djente ku buraku (putrí), òf djentenan ku mester di limpiesa pa motibu di hopi piedra òf restu di kuminda.
For di e tipo di aktividatnan sa bin komprondé ku tin kasnan unda diferente mucha ta kompartí e mesun skeiru di djente; i tambe tin kasnan ku no tin pasta di djente pa usa.
Ta e intenshon pa traha un rapòrt final kompañá ku konseho na outoridatnan kompetente pa sa kon e situashon aki i kiko mester hasi pa evitá ku e ta sigui bai atras i tambe remediá esaki. P’esei dia 7 di aprel tin e oportunidat pa muchanan den barionan manera Wishi/Marchena, St. Helena, Mundu Nobo, Charo, Domi i Otrobanda abordá e bùs ku ta pasa for di mainta pa asina nan por haña un inspekshon di nan dentadura kompletamente grátis. NOTA: Texto ta scirbi den Papiamento fonetico di Corsou.
Na Corsou, Corte a bolbe rechasa peticion pa libera ex parlamentario “Lo” Martines
WILLEMSTAD - Ayera mainta korte di promé instansia a bolbe trata kaso di Michelangelo “Lo” Martines. No opstante petishon di su abogadonan, mester bisa ku wes un biaha mas a rechasá su petishon pa bai liber pendiente tratamentu dje kaso. T’asina ku Martines ta ser akusá di ta envolví den diferente kaso di trafikashon di droga, ku el a hasi kontakto ku esnan envolví pa organisá i koordiná un ke otro hasiendo uso di un telefòn spesial di “Sky-ECC”. Segun e akusashon, den e periodo di novèmber 2019 pa desèmber 2019 el a asumí un ròl pa organisá trafikashon un kantidat di 20 kilo di kokaina. E droga akí lo mester a yega Europa via dje kanalnan di Kòrsou, Panamá, Hulanda i Spaña. E droga a ser hinká den maleta i poné riba avion pa el a yega su destino. Kasi e mesun ‘modus operandi’ lo a ser usá den kaso di trafikashon di 100 kilo, pues hasiendo uso di e tipo di telefòn sofistiká, skondí den tas i kahanan. Pero e biaha ei e droga a pasa e ruta Kòrsou, Panamá, Bélgika. E kaso akí a tuma lugá na luna di febrüari 2020.
Na Corsou a tira homber mata awe marduga riba Helmin Wiels Blvd
WILLEMSTAD - Awe alrededor di 02.17or di mardugá sentral di polis a risibí notifikashon di un kaso di tiramentu riba Helmin Wiels Boulevard i ku probablemente tin un persona heridá.
Consulta trilateral tocante seguridad Region Caribe
WILLEMSTAD - E siman aki a tuma lugá na Kòrsou un konsulta semestral trilateral entre sosionan envolví di Defensa di Reino Hulandes, Estádos Unídos i Fransia. E konsulta periódiko ta forma parti di e “Joint Interagency Task Force South” (JIATF-S), un relashon kolaborativo internashonal i interdepartamental bou di guia Merikano, ku ta enfoká su mes riba kombatí trafikashon i kontrabanda ilegal den Region Karibe. CZMCARIB na nòmber di Reino Hulandes, ya pa mas ku 30 aña ta forma parti di e organisashon JIATF(S).
Na Corsou, tur candidato cu formador Peterson a presenta pa minister, a pasa ‘screening’
WILLEMSTAD - Chester Peterson awe a finalisá su trabou komo formadó pa Gabinete Pisas III. Awe mèrdia e la entrega su relato final na Gobernador Lucille George-Wout. Peterson den e último simannan a duna 2 reportahe preliminar di su trabou kaba na gobernador.
Tweede Kamer di Hulanda hopi preocupa cu maneho financiero di Corsou y St. Maarten
W’STAD/DEN HAAG - E komishon fiho di Relashonnan den Reino di parlamento hulandes ta insistí pa haña kontesta serka gobièrnu di Kòrsou i gobièrnu di St. Maarten dikon nan no a tene kuenta den nan presupuesto ku mester paga un fiansa ku a hasi serka Hulanda bèk. E preokupashonnan a bin dilanti durante tratamentu di e kuentanan anual 2024 di gobièrnu Hulandes. Ta trata di un suma di 205 mion florin ku Kòrsou i St. Maarten a fia na 2010 i ku mester paga bèk na òktober awor. Gobièrnu di St. Maarten i gobièrnu di Kòrsou a pidi pa refinansiá e debenan. Sekretario di estado pa Relashonnan den Reino, Zsolt Szabó, ta kouteloso den su reakshon riba e petishonnan pa re-finansiamentu i a indiká ku e ta warda riba konseho di Kolegio di Supervishon Finansiero (Cft) riba e petishonnan aki. Miembronan di e komishon di Relashonnan den Reino a hasi diferente pregunta por eskrito riba e tópiko.
CBCS: Tin posibilidad cu director ehecutivo Jardim por bandona Banco Central
WILLEMSTAD/ PHILIPSBURG – E Hunta di Supervishon di Centrale Bank van Curaçao en Sint Maarten (CBCS) a raporta e siman aki cu nan a tuma nota di relatonan recien den medionan di comunicacion. “ E Hunta di Supervicion di CBCS ta confirma cu discusionnan ta andando cu por resulta den su Director Ehecutivo, Sr. Dr. Jardim, saliendo pa drenta un instituto financiero pa motibonan professional” e banco ta bisa. “Sinembargo, cualkier declaracion cu ta sugeri cu Dr. Jardim a bandona CBCS ta premature” e banco ta sigui bisa. “Hunta di Supervision di CBCS tambe ta desea pa enfatisa cu e no ta reconoce su mes den e resto di contenido di e rapportnan aki” e banco a finalisa bisando.
Follow NoticiaCla
