Cantidad record di Hulandes den exterior por vota pa Parlamento Hulandes e aña aki

DEN HAAG –Pa e proximo eleccion pa Parlamento Europeo, un cantidad record di Hulandes den exterior por vota e biaha aki. E eleccion mes ta riba 6 di juni proximo, unda cu sigur 95 mil Hulandes residencia den exterior por vota. E ta hopi mas cu añanan anterior. Den e grupo aki tambe tin Hulandesnan bib ana Corsou y Aruba. Nan ta forma parti di e top 5 paisnan cu tin mas Hulandes pafo di Hulanda cu por vota. E cantidad exacto sinembargo di votadornan Hulandes na Aruba (ainda) no ta conoci definitivamente. Nan tin te dia 25 di April pa registra.  

ANTES

Compara cu e eleccion di 2019, tabatin 63 mil Hulandes den exterior cu por a vota, y na 2014 tabatin 21 mil. Pues sigur un aumento grandi. E cantidad grandi di votadornan Hulandes registra den exterior, ta un contraste pa e casi 108 mil Hulandes registra pa e eleccion di Tweede Kamer na Hulanda di November ultimo. E caida leve ta debi cu Hulandesnan cu  biba den un otro pais Europeo, por vota den nan propio pais y no pa un delegacion Hulandes. 

REGISTRACION

E registracion y procesamento di voto vor di exterior ta wordo coordina pa e municipio di Den Haag. Banda di e voto via carta na Hulanda mes, tin tambe oficina di voto via carta na Aruba, Corsou y St Maarten. NOTA: E potret acompañando e articulo ta solamente pa ilustracion y ta durante un votacion pa Parlamento Europeo na Aruba na oficina di VNO.