San Diego Padres a cambia Xander Bogaerts di short stop pa segunda base pa 2024

PEORIA – E ekipo di baseball professional Mericano San Diego Padres tin un ‘short stop’ nobo. Asina e portal oficial di Major League Baseball a raporta diabierna.Diabierna e manager di e ekipo, Mike Shildt a anuncia cu e Arubiano Xander Bogaerts ta bay di short stop pa segunda base. Y Ha-Seong Kim, di segunda base, lo haya e funcion di short stop. Bogaerts, cu a firma un contracto di 11 aña cu Padres aña pasa, a pasa su prome 11 temporada como un hungador di short stop. Prome cu Boston Red Sox, y despues cu San Diego Padres. Aunke cu Bogaerts tabata solido na short stop, Padres a dicidi di cambia Kim, pa saca e miho di dje, y ta considera Kim como un di e miho shortstopnan defensivo den e deporte. E cambio no kier men cu Bogaert ta malo. Kim tabata short stop prome cu Bogaerts a yega San Diego. E manager a laga porta habri chikito cu e lo por switch e dos hungadornan bek pa e posicion actual. Pero pa awor, e plan ta pa Bogaerts ta na segunda. Bogaerts nunca a hunga un inning den grandes ligas, na segunda. 

ARUBA

Shildt a toca e tema cu Bogaerts durante su bishita na Aruba den December, y a elogia Bogaerts pa ta habri pa e cambio.