Despues di dos luna di consulta, formacion di gabinete nobo Hulandes ta sigui insigur

DEN HAAG – Despues di dos luna di consulta entre e partidonan politico PVV, VVD, NSC y BBB ta dificil pa pronostica con e formacion di e proximo gobierno Hulandes ta bayendo. E protagonistanan ta bisa cu ta combersacionan constructivo pero tambe tempo ta coriendo. NSC tray cortina ta bisa cu tin duda riba e proceso. E siman aki of mas tarda otro siman e informador Plasterk ta presenta su rapport. Mester tin un debate Parlamentario prome cu e receso, cu ta cuminsa otro siman diabierna.