Merca y Inglatera a ataka blanconan di grupo terorista cu tabata ataca nabegacion den Laman Cora

WASHINGTON – Avionan di combate Mericano y Britanico diahuebs anochi a tene un atake aereo riba e blanconan di e grupo terorista Houthi na Jemen. Esaki a sosode cu sosten di Hulanda. Esaki ta pa responde riba e atakenan di e grupo menciona, sosteni pa Iran, riba e trafico maritimo den laman cora. E atakenan tabata menasa comercio maritimo, y presidente Mericano Joe Biden a considera e atakenan aki como un atake sin precente contra nabegacion internacional. Hulanda su sosten no tabata military sino mas bien di logistica. Y a hacie pasobra Hulanda ta keda afecta pa interupcion di nabegacion internacional comercial grandemente. Pues e interes ta uno comercial y segun premier Hulandes Rutte, mester proteha e parti aki. Politica di Den Haag tabata indigna cu no a informa nan di e atake aki y e participacion Hulandes. Sinembargo a splica Parlamento Hulandes cu como cu no a yuda cu militar of ekipo, no tabata necesario pa pidi Parlamento permiso of informa anteriormente.